May 20, 2024
ડાયાબિટીસની સમસ્યા સામાન્ય રીતે નબળા ચયાપચયને કારણે થતી હોય છે. આવી પરીસ્થિતિમાં, જો તમે તેના પર ધ્યાન ન આપો, તો તે તમારા બ્લડ સુગર લેવલને વધારવાનું કામ કરે છે. આ ઉપરાંત તમને જયારે ડાયાબિટીસની સમસ્યા હોય ત્યારે દવાની સાથે યોગ્ય જીવનશૈલી અને કસરત કરવી ખૂબ જ જરૂરી છે. આવી સ્થિતિમાં ઘણા એવા યોગાસનો છે જે ડાયાબિટીસમાં વધતા શુગર લેવલને સરળતાથી ઘટાડી શકે છે. આજે અમે તમને એવા યોગાસનો વિશે જણાવા જઇ રહ્યા છીએ. જેને અપનાવીને તમે વધેલા શુગર લેવલને ઘટાડી શકો છો, તો ચાલો આજે આપણે જોઈએ.
હલાસન: હલાસન કરવા માટે સૌ પ્રથમ જમીન પર પીઠ રાખીને સૂઈ જાઓ. ત્યાર પછી, એક ઊંડો શ્વાસ લો અને તમારા બંને પગને સીધા 90 ડિગ્રી સુધી લઈ જાઓ. આ પછી, તમારા હાથથી તમારી કમર અને હિપ્સને ટેકો આપો. અને ત્યાર પછી તમારા પગને માથાના ઉપરના ભાગથી પાછળની તરફ સીધા ખસેડવાનો પ્રયાસ કરો. આ પછી, તમારા પગથી જમીનને સ્પર્શ કરો અને પગને સીધા રાખવા જોઈએ. થોડીવાર આ મુદ્રામાં રહેવું જોઈએ અને ત્યાર પછી આરામની સ્થિતિમાં પાછા જાઓ. આ આસન તમે 5 વાર કરી શકો છો.
Trending News
સર્વાંગાસન: આ આસન કરતી વખતે સૌથી પહેલા જમીન પર પીઠ પર સૂઈ જાઓ. આ પછી, ખભાની મદદથી તમારા પગ, કમરના હિપ્સને ઉપરની તરફ ઉઠાવો. સંતુલન જાળવવા માટે તમારા હાથથી તમારી કમરને ટેકો આપો. આ દરમિયાન, તમારા માથા અને ગરદન પર કોઈપણ પ્રકારનું દબાણ ન કરો. તેમને મુક્ત થવા દો. હવે તમારા પગને બને તેટલા ઉપર જવા દો. તે પછી હળવા મુદ્રામાં આવો અને આરામ કરો. હવે તમે તમારી ક્ષમતા અનુસાર આ સરળ પુનરાવર્તન કરી શકો છો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
