July 07, 2024
Himachal Pradesh rains: હિમાચલ પ્રદેશમાં હાલમાં ખૂબ જ ભારે વરસાદ અને ભૂસ્ખલનથી સર્જાયેલી વિનાશમાં અત્યાર સુધીમાં કુલ 51 લોકોના મોત થયા છે. મળતી માહિતી મુજબ શિમલામાં ભૂસ્ખલનને કારણે 14 લોકોના મોત થયા છે. આ તરફ રાજ્યમાં કુદરતી આફતના(Himachal Pradesh rains) કારણે મૃત્યુઆંક હજુ પણ વધારો થઈ રહ્યો છે.
ભૂસ્ખલનને કારણે રાજ્યમાં ઘણા મોટા રસ્તાઓ પણ બંધ થઈ ગયા, ઘરોને પણ નુકસાન થયું અને શિમલાના મંદિરમાં ઘણા ભક્તો પણ દટાઈ ગયા છે. એકલા શિમલામાં ભૂસ્ખલનની બે જગ્યાએથી 14 મૃતદેહો મળી આવ્યા હતા. સમર હિલ વિસ્તારમાં આવેલા શિવ મંદિરના કાટમાળ નીચે વધુ લોકો ફસાયા હોવાની માહિતી મળી રહી છે.
મંદિરમાં ભક્તોની ભીડ વચ્ચે ભૂસ્ખલન
શિમલામાં જ્યારે ભૂસ્ખલન થયું ત્યારે મંદિરમાં ભક્તોની ભીડ ભરી હતી. આ ભક્તો સોમવારે ભગવાન શિવના દર્શન કરવા માટે આવ્યા હતા. જ્યારે મંડી જિલ્લામાં વરસાદ સંબંધિત ઘટનાઓમાં ઓછામાં ઓછા 19 લોકોના મોત થયા છે. હિમાચલ પ્રદેશમાં, સ્થાનિક હવામાન વિભાગે 17 ઓગસ્ટ સુધી વિવિધ સ્થળોએ ભારે વરસાદ, તોફાન અને વીજળી માટે યલો એલર્ટ પણ જારી કર્યું છે. હિમાચલ પ્રદેશમાં 19 ઓગસ્ટ સુધી ભારે વરસાદની આગાહી કરવામાં આવી રહી છે.
Trending News
પરીક્ષાઓ રદ, શાળા-કોલેજો બંધ
ભારે વરસાદ વચ્ચે રાજ્ય સરકારે પણ પરીક્ષાઓ રદ કરી છે અને શાળા-કોલેજો બંધ રહેશે તેવી માહિતી પણ જણાવી છે. સોમવારે હિમાચલ પ્રદેશમાં વરસાદને કારણે થયેલી ભારે તબાહી અંગે રાજ્યના CM સુખવિંદર સિંહ સુખુએ કહ્યું છે કે, છેલ્લા 24 કલાકમાં 50 થી વધુ લોકોના મોત થયા છે. 20થી વધુ લોકો હજુ પણ ફસાયેલા છે, મૃત્યુઆંક વધી રહ્યો છે. શોધ અને બચાવ કામગીરી પણ ચાલુ છે. રાજ્યમાં સ્વતંત્રતા દિવસ પર કોઈ સાંસ્કૃતિક કાર્યક્રમનું આયોજન નહીં કરવાનો નિર્ણય પણ લેવામાં આવ્યો છે.
Supervising the ongoing rescue operations following the tragic landslide near Shiv Temple in Summerhill, Shimla.
Emphasizing the highest priority on life-saving efforts, the government remains unwaveringly dedicated to securing the well-being of those entrapped.
My sincerest… pic.twitter.com/7Jwvxt3Ybl
— Sukhvinder Singh Sukhu (@SukhuSukhvinder) August 14, 2023
ઉત્તરાખંડમાં ઓરેન્જ એલર્ટ જાહેર
ભારત હવામાન વિભાગ એ આજે પણ ઉત્તરાખંડમાં ભારે વરસાદની સંભાવના પણ વ્યક્ત કરી છે અને ઓરેન્જ એલર્ટ જાહેર કરવામાં આવ્યું છે. હવામાન વિભાગે જણાવ્યું છે કે, દેહરાદૂન, પૌરી, ટિહરી, નૈનીતાલ, ચંપાવત અને ઉધમ સિંહ નગરમાં વિવિધ સ્થળોએ ભારે વરસાદની સંભાવના છે. ભારે વરસાદને કારણે ઋષિકેશની આસપાસના વિસ્તારોમાં ઘણી જગ્યાએ પાણી પણ ભરાઈ ગયા છે અને ગંગા નદીના જળસ્તરમાં પણ વધારો થયો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube