પત્ની પરપુરુષની સાથે માણી રહી હતી શરીરસુખ, અચાનક જ પતિ આવી ગયો અને પછી તો…

ગુજરાતમાં આવેલ આણંદ જિલ્લાનાં ભાદરણ પોલીસ મથકની હદમાં મોટી શેરડી ગામથી ધનાવશી ગામનાં રસ્તા પરથી ગત મંગળવારે ધુવારણનાં યુવકની ગળે ટુંપો આપીને હત્યા કરેલ મૃતદેહ મળી આવતાં પોલીસે ગણતરીનાં દિવસોમાં હત્યાનો ભેદ ઉકેલી નાખીને હત્યા કરનાર પરપુરૂષનાં પ્રેમમાં અંધ બનેલ પત્ની તથા એનાં પ્રેમી સહીત કુલ 5 લોકોની ધરપકડ કરીને તપાસ હાથ ધરવામાં આવી છે.

મંગળવારે મોટી શેરડી ગામથી ધનાવશી રોડની સાઇડ પર આવેલ તલાવડી પાસેથી અજાણ્યા યુવકનાં ગળે ટુંપો આપી હત્યા કરેલ લાશ મળી આવતા હોબાળો મચી ગયો હતો. પોલીસે તપાસ કરતા મૃતક યુવાન ધુવારણ ગામનો ગુલાબસિંહ ચંદુભાઈ ગોહીલ તરીકે ઓળખ થતા ભાદરણ પોલીસ દ્વારા તપાસ હાથ ધરવામાં આવી હતી.

પોલીસને મૃતક ગુલાબસિંહની પત્નીને તથા તેઓની ભત્રીજીને બીજા યુવકની સાથે સંબંધ હોવાની જાણ થતાં પોલીસે મૃતકની પત્ની દક્ષાબેનનાં પ્રેમી કંકાપુરા ગામનાં અર્જુનભાઈ ઉર્ફે અજીત પ્રભાતસિંહ પરમાર તથા મૃતકની ભત્રીજીનાં પ્રેમી ધનશ્યામભાઈ ભાઈલાલભાઈ પરમારને પકડી પાડીને ઝીણવટભરી પુછપરછ કરતા બંન્નેએ પોતાનાં સાગરીતોની સાથે મળીને હત્યા કરી હોવાની કબુલાત કરવામાં આવી હતી.

મૃત પામેલ યુવક ગુલાબસીંહની પત્નીને અર્જુનની સાથે પ્રેમ સંબધ હોઈ એમાં પતિ ગુલાબસિંહનો કાંટો નડતો હતો. મૃત પામેલ ભત્રીજીની સાથે ધનશ્યામને પ્રેમસંબધ હોવાંથી આ પ્રેમસંબધમાં પણ ગુલાબસિંહ અવરોધરૂપ બનતો હતો. ધટનાનાં કુલ 4 દિવસ અગાઉ ગુલાબસિંહને પોતાની પત્ની દક્ષાને અર્જુનની સાથે પ્રેમસંબધ હોવાની જાણ થતા એણે પત્ની દક્ષાને ઠપકો આપ્યો હતો તથા ભત્રીજીનાં પ્રેમસંબધની જાણ થતા ગુલાબસિંહએ તાત્કાલીક ભત્રીજીની સગાઈ બીજા સ્થળે કરી દેતા અર્જુન તથા ધનશ્યામએ દક્ષાની સાથે મળી ગુલાબસિંહની હત્યા કરવાની યોજના બનાવવામાં આવી હતી.