હજારો રૂપિયામાં મળતી આ સુવિધા હવે મળશે માત્ર 25 રૂપિયામાં, જાણો અહીં

ટ્રેનમાં મુસાફરી કરનારા યાત્રીઓને ભારતીય રેલવે ઘણી બધી સુવિધાઓ પૂરી પાડે છે. રેલવે ઓછા દરે મુસાફરી કરાવાની સાથે પોતાના યાત્રીઓની પરીસ્થિતિનું પણ ધ્યાન રાખે છે. પરંતુ ઘણીવાર એવુ પણ બને છે કે આપણને રેલવેની કેટલીક સુવિધાઓ અંગે આપણેજાણતા નથી. આજે તમને એવી જ એક સુવિધા વિશે જણાવવા જઇ રહ્યાં છીએ જેમાં તમે માત્ર 25 રૂપિયા ખર્ચીને તમારા હજારો રૂપિયાને બચાવી શકો છો.

ભારતીય રેલવે મુસાફરોને રેલવે સ્ટેશન પર ખુબ સસ્તામાં રૂમ બુક કરવાની એક ખાસ સુવિધા આપે છે. આ રૂમ AC અને નૉન AC વિકલ્પ પણ છે. સાથે-સાથે સિંગલ, ડબલ બેડ અને શયનકક્ષ રૂમો પણ ઉપલબ્ધ છે. મહત્વની વાતતો એ છે કે તેની શરૂઆતની કિંમત ફક્ત 25 રૂપિયા છે. IRCTCની વેબસાઇટ દ્વારા જો તમે ત્રણ કલાક માટે રૂમ બુક કરવા માગતા હોય તો તમારે ફક્ત 25 રૂપિયા ખર્ચ કરવાના છે.

સાથે-સાથે જ સાત થી નવ કલાક માટે 50 રૂપિયા અને 10 થી 12 કલાક માટે 60 રૂપિયા, 13 થી 15 કલાક માટે 70 રૂપિયાસ 16 થી 18 કલાક માટે 80 રૂપિયા અને 19 થી 21 કલાક માટે 90 રૂપિયા આપવાના રહેશે. 24 કલાક માટે 100 રૂપિયા અને 48 કલાકના બુકિંગ પર 200 રૂપિયા સુધીનો ચાર્જ લાગે છે. જો તમે બુકિંગ પેમેન્ટ ડિજિટલી કરશો તો તેમાં તમને 5 રૂપિયાનું ડિસ્કાઉન્ટ પણ મળશે.