ગુજરાત: લોકડાઉનમાં પતિ-પત્નીના ઝગડાના કારણે દરેક ઘરમાં વધ્યા કંકાસ, એક સાથે નોંધાણી અનેક ફરિયાદો

હાલ સમગ્ર ભારત દેશમાં કોરોના વાયરસના કારણે 21 દિવસનું લોકડાઉન કરવામાં આવ્યુ હતુ, જેનો આજે છલ્લો દિવસ હતો. અને આજે જ સવારે પ્રધાનમંત્રી નરેન્દ્ર મોદીએ 3 મે સુધી લોકડાઉન આપી દીધું છે. લોકડાઉનની સીધી અસર દેશની આર્થિક સ્થિતિની સાથે દામ્પત્ય જીવન પર પડી છે. કારણ કે, મહિલાઓ માટે કાર્યરત 181 અભયમ મહિલા હેલ્પલાઈમાં ચોંકાવનારો ખુલાસો થયો છે કે, પતિ પત્ની તેમજ પડોસીઓના ઝગડાઓમાં ખુબ વધારો થયો છે.

સામન્ય રીતે પતિ-પત્નીના ઝગડાઓતો થતા જ રહે છે. પરંતુ સામન્ય જીવનમાં ક્યારેક ક્યારેક જે ઝગડો થતો હતો, તેવા ઘરોમાં હાલ લોકડાઉનના કારણે તેની સંખ્યામાં પણ ભારે વધારો થયો છે. અમદાવાદ શહેરની તો રોજના ઘર કંકાશને લઇને અભયમમાં 175 થઈ 200 કોલ મળી રહ્યા છે. લોક ડાઉનના કારણે પોલીસ કંટ્રોલ રૂમ, કલેક્ટર કે, મ્યુનિસિપલ કોર્પોરેસનની હેલ્પ લાઈન કરતા પણ વધુ કોલ 181 અભયમ પર આવી રહ્યા છે. લોકડાઉન દરમિયાન ઝગડાના કિસ્સા ઘટવા જોઈએ પણ વધી રહ્યા છે. જેની પાછળ પણ સાયકોલોજીકલ ઇફેક્ટ હોવાનું માનવામાં આવી રહ્યું છે.

ઉલ્લેખનીય છે કે, માણસો નોકરી કે વ્યવસાય માટે સતત બહાર રહેતા હોય છે, પરંતુ લોકડાઉનના કારણે લોકો ઘરે રહે છે એટલે માનસિક તણાવ અનુભવે છે. 181 અભ્યમમાં 2 તબક્કામાં કામગીરી થાય છે. જેમાં ફોન પર કાઉન્સલિંગ કરવામાં આવે છે, પરંતુ ફોન પર કાઉન્સલિંગમાં કોઈપણ મામલાનું નિરાકરણ ના આવે તો બીજા તબક્કામાં ઘટના સ્થળ પર પહોંચીને પીડિતોનું કાઉન્સલિંગ કરવામાં આવે છે.