દારૂના નશામાં ધુત થઈને કાર ચલાવી રહેલ યુવકે 2 લોકોને જીવતા કચડી નાખ્યા- બંનેના ઘટનાસ્થળે જ થયા મોત

હૈદરાબાદ(Hyderabad)ના બંજારા હિલ્સ(Banjara Hills) વિસ્તારમાં એક યુવકે તેની પોર્શ કારમાં ઉત્તર પ્રદેશ(Uttar Pradesh) અને ઓડિશા(Odisha)ના બે પ્રવાસીઓને કચડી નાખ્યા હતા. પોલીસે 29 વર્ષીય રોહિત ગૌર અને તેના મિત્ર 23 વર્ષીય સાઈ સુમન રેડ્ડીની ધરપકડ કરી છે. પોલીસે જણાવ્યું કે, રોહિત કાર ચલાવતો હતો અને તે સમયે તે નશામાં હતો. પોલીસે જણાવ્યું કે, અકસ્માત પહેલા બંને યુવકો ક્લબમાં ગયા હતા. રોહિત ગૌરના પરીક્ષણમાં આલ્કોહોલ મીટર પર 70 mg/dL આલ્કોહોલ જોવા મળે છે, જ્યારે માત્ર 30 mg/dL જ માન્ય છે.

અકસ્માત સમયે કારની ઝડપ ખૂબ જ ઝડપી હતી અને હોસ્પિટલમાં કામ કરીને ઘરે પરત ફરી રહેલા આ પરપ્રાંતિયોને કાર કચડીને નીકળી ગઈ હતી. પોલીસે જણાવ્યું કે, બંને યુવકો ઘટનાસ્થળેથી ભાગી ગયા અને એક એપાર્ટમેન્ટમાં કાર પાર્ક કરી. જ્યારે તેઓ ઘટનાસ્થળેથી ભાગી રહ્યા હતા, ત્યારે એક કોન્સ્ટેબલ અને હોમગાર્ડે તૂટેલી કારને જોઇ અને તેની પાછળ દોડ્યો. આ પછી પોલીસે વાહન નંબર પરથી ગૌરને ટ્રેસ કરીને તેની ધરપકડ કરી હતી.

અન્ય અકસ્માતમાં 36 વર્ષીય પુરુષ અને તેની 27 વર્ષીય પત્નીનું મોત થયું હતું. પોલીસે જણાવ્યું કે, આ ઘટના ત્યારે બની જ્યારે તેનું ટુ-વ્હીલર ગંદીપેટ પાસે ફોર વ્હીલર સાથે અથડાયું. પોલીસે જણાવ્યું હતું કે, દંપતી ખોટી દિશામાંથી સ્કૂટર પર ઘરે પરત ફરી રહ્યું હતું ત્યારે એક ફોર વ્હીલરે તેમને ટક્કર મારી હતી. જેના કારણે દંપતીને ઈજા થઈ અને લોહી વહેવા લાગ્યું. જેને લીધે દંપતીને ખાનગી હોસ્પિટલમાં ખસેડવામાં આવ્યા હતા, પરંતુ ફરજ પરના તબીબોએ તેને મૃત જાહેર કર્યા હતા.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.