November 24, 2024
IAS અધિકારી(IAS officer)ના માતા-પિતાએ ઘરમાં જ અનાજમાં નાખવાની ટીકડી ખાઈને આપઘાત કરી લીધો હોવાની ઘટના સામે આવી છે. જો વાત કરવામાં આવે તો હરિયાણા(Haryana)ના ચખરી દાદરીમાં એક વૃદ્ધ દંપતીએ અનાજમાં નાખવાની ટીકડીઓ ખાઈને આપઘાત કરી લીધો હતો. મરતા પહેલા વૃદ્ધ દંપતીએ એક સુસાઈડ નોટ પણ લખી હતી. જેમાં તેઓએ પોતાની પીડા વ્યક્ત કરી છે. આપઘાત કરનાર બંને વૃદ્ધ દંપતી IAS વિવેક આર્યના માતા-પિતા છે. તેણે સુસાઈડ નોટમાં લખ્યું છે કે મારા પુત્ર પાસે 30 કરોડની સંપત્તિ છે, પરંતુ અમને ખાવા માટે સૂકી અને વાસી રોટલી આપે છે. આ મીઠુ ઝેર ક્યાં સુધી ખાઈશું, તેથી અમે સલ્ફાસની અનાજમાં નાખવાની ટીકડીઓ ખાઈને આપઘાત કરી લીધો હતો.
આપઘાત કર્યા બાદ IAS વિવેક આર્યના પિતાએ પોલીસને જાણ કરી હતી. જે બાદ જ્યારે પોલીસ ઘટનાસ્થળે પહોંચી તો તેમણે સુસાઈડ નોટ સોંપી દીધી હતી. જે બાદ પોલીસે બંનેને ખાનગી હોસ્પિટલમાં દાખલ કરાવ્યા હતા. ત્યાંથી તેમને દાદરી સિવિલ હોસ્પિટલમાં લઈ જવામાં આવ્યા, જ્યાં ડોક્ટરોએ બંનેને મૃત જાહેર કરવામાં આવ્યા હતા. સ્યુસાઇડ નોટના આધારે પોલીસે પરિવારના ચાર સભ્યો સામે ગુનો નોંધ્યો છે.
Trending News
બુધવારે રાત્રે જગદીશચંદ આર્ય અને તેમની પત્ની ભાગલી દેવીએ બધડા ખાતેના તેમના ઘરે અનાજમાં નાખવાની ટીકડી ગટગટાવી લીધી હતી અને મોડી રાત્રે જગદીશચંદ આર્યએ અનાજમાં નાખવાની ટીકડી ખાધી હોવાની પોલીસ કંટ્રોલ રૂમને જાણ કરી હતી. આ પછી ERV 151 ઘટનાસ્થળે પહોંચી હતી અને બાધડા પોલીસ સ્ટેશનથી પોલીસ ટીમને પણ બોલાવવામાં આવી હતી. સાથે જ જગદીશચંદે પોલીસને સુસાઈડ નોટ પણ આપી હતી. જ્યારે સ્થિતિ વધુ બગડતાં વૃદ્ધ દંપતીને પહેલા બધડાની ખાનગી હોસ્પિટલમાં લઈ જવામાં આવ્યા હતા અને ત્યાં તેમની હાલત ગંભીર હોવાથી તેમને દાદરી સિવિલ હોસ્પિટલમાં મોકલવામાં આવ્યા હતા. દાદરી હોસ્પિટલના ડોક્ટરોએ બંનેને મૃત જાહેર કર્યા હતા. બીજી તરફ મૃતકના પુત્ર વીરેન્દ્રએ જણાવ્યું કે ઝેર પીધું હોવાની માહિતી મળતા પોલીસ ઘટના સ્થળે પહોંચી હતી. ઉંમરના આ તબક્કે બંને બીમારીના કારણે પરેશાન હતા, જેના કારણે તેમણે આ પગલું ભર્યું છે.
જગદીશ ચંદે સુસાઈડ નોટમાં આ વાત લખી છે:
હું જગદીશચંદ આર્ય તમને મારું દુ:ખ કહું છું. મારા પુત્રો પાસે બધડામાં 30 કરોડની સંપત્તિ છે, પરંતુ તેમની પાસે મને આપવા માટે બે રોટલી નથી. હું મારા નાના પુત્ર સાથે રહેતો હતો. 6 વર્ષ પહેલા તેમનું અવસાન થયું હતું. કેટલાક દિવસો સુધી તેની પત્નીએ તેને રોટલી આપી, પરંતુ બાદમાં તે ખોટો ધંધો કરવા લાગ્યો. મારા ભત્રીજાને સાથે લઈ ગયો. જ્યારે મેં આનો વિરોધ કર્યો તો તેમને આ વાત પસંદ ન આવી. કારણ કે હું જીવતો હતો ત્યાં સુધી એ બંને ખોટું કરી શક્યા નથી. એટલા માટે તેઓએ મને માર માર્યો અને ઘરની બહાર ફેંકી દીધો. હું બે વર્ષ અનાથાશ્રમમાં રહ્યો અને જ્યારે હું પાછો આવ્યો ત્યારે તેઓએ ઘરને તાળું મારી દીધું.
આ સમય દરમિયાન મારી પત્નીને લકવો થયો અને અમે અમારા બીજા પુત્ર સાથે રહેવા લાગ્યા. હવે તેઓએ પણ રાખવાની ના પાડી અને મને બે દિવસ માટે વાસી લોટની રોટલી અને દહીં આપવાનું શરૂ કર્યું. કેટલા દિવસ આ મીઠુ ઝેર ખાઈશ એટલે મેં અનાજમાં નાખવાની ટીકડી ખાધી. મારા મૃત્યુનું કારણ મારી બે પુત્રવધૂ, એક પુત્ર અને એક ભત્રીજો છે. આ ચારેએ મારા પર જેટલો જુલમ કર્યો તેટલો જુલમ કોઈ બાળકે પોતાના માતા-પિતા સાથે ન કરવો જોઈએ. હું વિનંતી કરું છું કે માતા-પિતા અને સરકાર પર આટલો જુલમ ન કરવો જોઈએ અને સમાજે તેમને સજા કરવી જોઈએ. તો જ મારા આત્માને શાંતિ મળશે. મારી પાસે બેંકમાં બે એફડી છે અને બધડામાં એક દુકાન છે, તે આર્ય સમાજ બધડાને આપવી જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.