ગુજરાત પોલીસને મળ્યો દંડ ઉઘરાવવાનો મોટો ટાર્ગેટ- હેલ્મેટ કે સીટ બેલ્ટ નહી હોય તો મોટી રકમ ચુકવવા થઇ જજો તૈયાર

ગુજરાત(Gujarat): જો તમે બાઇક કે કાર ચલાવતા હોવ તો સાવચેત રહેજો, ટુ-વ્હીલર(Two-wheeler) ચલાવતી વખતે હેલ્મેટ(Helmet) ન પહેરવા અને કાર(Car) ચલાવતી વખતે સીટ બેલ્ટ(Seat belt) ન બાંધવા બદલ પોલીસ દ્વારા દંડ ફટકારવામાં આવશે. જે અંતર્ગત ગુજરાત પોલીસ(Gujarat Police) દ્વારા 6 થી 15 માર્ચ સુધી ખાસ ઝુંબેશ ચલાવવામાં આવશે. આ સમયે જો કોઈ ડ્રાઈવરે હેલ્મેટ કે કાર સીટ બેલ્ટ ન બાંધ્યો હોય તો તેને દંડ થશે. પોલીસને શહેર અને જિલ્લામાં રોજબરોજની કામગીરીની સમીક્ષા કરીને રિપોર્ટ મોકલવા પણ નિર્દેશ આપવામાં આવ્યો છે.

ટ્રાફિકના નિયમોનો ભંગ કરનાર સામે કડક કાર્યવાહીના આદેશ:
ગુજરાત પોલીસ માટે જાહેર કરાયેલા પત્રમાં જણાવાયું છે કે, માર્ગ સલામતી અંગે સુપ્રીમ કોર્ટની કમિટી ઓન રોડ સેફ્ટી દ્વારા રાજ્યની સેફ્ટી કાઉન્સિલની બેઠકમાં માર્ગ રોડ સેફ્ટીની બેઠક યોજવામાં આવી હતી. સમીક્ષા બેઠકમાં રાજ્યમાં થતા અકસ્માતોની ચર્ચા કરવામાં આવી હતી. આ સાથે ગુજરાત પોલીસને માર્ગ અકસ્માત ઘટાડવા અને ટ્રાફિક નિયમોનું યોગ્ય અમલીકરણ સુનિશ્ચિત કરવા નિર્દેશ આપવામાં આવ્યો છે.

સીટ બેલ્ટ અને હેલ્મેટ વગરના લોકો દંડ દેવા રહેજો તૈયાર:
બેઠકમાં ટ્રાફિકના અમલીકરણના કામોમાં હેલ્મેટ અને સીટ બેલ્ટના ઉલ્લંઘનના મહત્તમ કેસ નોંધવા પણ નિર્દેશ આપવામાં આવ્યો હતો. જે અંતર્ગત 6 થી 15 માર્ચ દરમિયાન ગુજરાત પોલીસનું વિશેષ ઝુંબેશ હાથ ધરવામાં આવશે. આ ડ્રાઈવમાં પોલીસ દ્વારા હેલ્મેટ અને સીટ બેલ્ટ નહિ પહેરવા બદલ અને નિયમો તોડવાના સૌથી વધુ કેસ દાખલ કરવામાં આવશે. શહેરો અને જિલ્લાઓએ કરેલી કામગીરીની સમીક્ષા કરવાની હોવાથી દૈનિક ધોરણે થયેલી કામગીરીનો અહેવાલ પણ રજૂ કરવાનો રહેશે.