આ હોસ્પિટલમાં કુંડળી જોઈ જાણવામાં આવે છે બીમારી, સારવારની રીતે પણ છે ખાસ

સામાન્ય રીતે હોસ્પિટલમાં જ્યારે આપણે જવાનું થાય ત્યારે ડોક્ટર દર્દીની તપાસ કરે છે, તેના રીપોર્ટ કરાવે છે અને ત્યારબાદ તેનું શું બીમારી છે તે જણાવી તેની સારવાર શરૂ કરે છે. પરંતુ શું તમે એવી હોસ્પિટલ વિશે જાણો છો કે જ્યાં બીમારી વિશે જાણવા માટે ડોક્ટર દર્દીની કુંડળી તપાસે છે? નવાઈ તો લાગશે પરંતુ આવી હોસ્પિટલ ખરેખર અસ્તિત્વ ધરાવે છે. આ હોસ્પિટલ છે યૂનિક સંગીતા મેમોરિયલ હોસ્પિટલ, અહીં બીમારી વિશે જાણવા માટે જ્યોતિષ શાસ્ત્રની મદદ લેવામાં આવે છે.

આ હોસ્પિટલમાં કેસ કઢાવતી વખતે દર્દીએ તેની કુંડળી આપવી પડે છે. જો કોઈ દર્દી પાસે કુંડળી ન હોય તો તેની જન્મ તિથિ અને સમયના આધારે અહીં પહેલા કુંડળી બનાવવામાં આવે છે. જ્યારે કુંડળી તૈયાર થઈ જાય છે અને ડોક્ટરને મળવાનો સમય આવે છે ત્યારે ડોક્ટર પાસે પહેલા દર્દીની કુંડળી આપવામાં આવે છે અને તેના આધારે ડોક્ટર દર્દીના રોગનું નિદાન કરે છે. કુંડળીના આધારે જ ડોક્ટર એમ પણ જણાવે છે કે દર્દીને બીમારીથી કેટલું જોખમ છે.