જુઓ કેવીરીતે સુપ્રસિદ્ધ વૈષ્ણોદેવી મંદિરમાં પોલીસ બંદોબસ્ત હોવા છતાં ગણતરીની સેકેંડમાં લાખો રૂપિયા લઈને ફરાર થયો યુવક

ગાંધીનગર(ગુજરાત): ગુજરાતમાં અવારનવાર ચોરીની ઘટના સામે આવતો હોય છે. તેવામાં ગાંધીનગરના સુપ્રસિદ્ધ વૈષ્ણોદેવી મંદિરમાં પણ ચોરીની ઘટના સામે આવી છે. ગાંધીનગર(Gandhinagar)ના એસ.જી હાઇવે(S.G. Highway) પર આવેલા સુપ્રસિદ્ધ વૈષ્ણોદેવી મંદિર(Vaishnodevi temple)માં બુકાની ધારી તસ્કર(Thief) મંદિરની ગુફા સહિતમાં ફરીને ચાંદીના આભૂષણો મળીને કુલ રૂપિયા 3.86 લાખની ચોરી કરી ત્યાંથી ભાગી ગયો હતો. જેના CCTV ફુટેજ પણ સામે આવ્યાં છે. હમેશાં વૈષ્ણોદેવી વિસ્તાર ભરચક રહેતો હોય છે છતાં આ તસ્કરે મંદિરમાં ચોરી કરીને પોલીસ સામે પડકાર ફેંકીને ત્યાંથી ભાગી ગયો હોય તેવું લાગી રહ્યું હતું.

મળતી માહિતી મુજબ, શુક્રવારે મધરાત્રે તસ્કરે ગાંધીનગરના અડાલજ પોલીસ મથકના વિસ્તારમાં આવેલા એસ જી હાઇવે પરના સુપ્રસિદ્ધ વૈષ્ણોદેવી મંદિરમા ચોરીને અંજામ આપ્યો હતો. જેને કારણે ભાવિ ભક્તોમાં રોષ જોવા મળ્યો હતો.

મંદિરના ટ્રસ્ટી મૂકેશભાઈ વર્માની ફરિયાદ અનુસાર, આ બનાવની જાણ થતાં જ તેઓ તાત્કાલિક મંદિરે પહોંચી હય હતા. જ્યાં મંદિરના મુખ્ય ગર્ભ ગૃહનાં દરવાજાનો નકુચો તોડી બુકાની ધારી તસ્કર માતાજી આગળ મુકેલી 6 ચાંદીના યંત્રની કિમંત 1. 80 લાખ રૂપિયા, 8 ચાંદીની પાદુકા જેની કિંમત 1. 92 લાખ રૂપિયા, ચાંદીનું ચુર જેની કિંમત 12 હજાર રૂપિયા મળીને કુલ 3.86 લાખની મત્તા ચોરી કરી ત્યાંથી ભાગી ગયો હતો.