November 24, 2024
ભાગલપુર: શોલે(Sholay) ફિલ્મનું આ ગીત તમે સાંભળ્યું જ હશે, ‘હોલી હોલી કે દિન દિલ ખિલ જાયે રંગ મેં રંગ મિલ હૈ…’ બિહાર (Bihar)ના ભાગલપુર (Bhagalpur)માંથી આ ગીતને દર્શાવતો કિસ્સો સામે આવ્યો છે જ્યાં રાહુલ અને જ્યોતિ એકબીજાને ગાલ પર ગુલાલ ઉડાડતા-ઉડાડતા કાયમ માટે એકબીજાના બની ગયા. આ બાબત સ્થાનિક વિસ્તારમાં ખુબ જ ચર્ચાનો વિષય બની છે.
એકદમ ફિલ્મી કહાની જેવું છે:
રાહુલ અને જ્યોતિ ભાગલપુર જિલ્લાના બંશીપુર ગામમાં કહલગાંવ બ્લોકના રહેવાસી છે. મળતી માહિતી અનુસાર, જ્યોતિ અને રાહુલ લગભગ એક વર્ષથી વાતચીત કરતા હતા અને આ દરમિયાન જ્યોતિએ રાહુલને દિલ આપ્યું. આ પછી બંને વચ્ચે મુલાકાતની પ્રક્રિયા ચાલુ રહી. ધીમે ધીમે આ પ્રેમસંબંધની ચર્ચા આખા ગામમાં થવા લાગી. ત્યારબાદ હોળીના દિવસે જ્યારે જ્યોતિ તેના મિત્રો સાથે હોળી રમવા રાહુલના ઘરે પહોંચી. તે પછી જે બન્યું તે એક ઉદાહરણ બની ગયું.
Trending News
બંને પર ઘણો રંગ લગાવ્યો:
જ્યોતિને તેના ઘરે જોઈને રાહુલ પણ પોતાની જાતને રોકી શક્યો નહીં અને બંનેએ એકબીજાને ઘણા બધા અબીર ગુલાલ લગાવ્યા અને રંગોથી રંગ્યા. પરંતુ પ્રેમનો રંગ એટલો ઊંડો ઉતર્યો કે બંનેએ તરત જ એકબીજા સાથે જીવન વિતાવવાનું નક્કી કરી લીધું. રાહુલે જ્યોતિની માંગમાં સિંદૂર ભરી દીધું અને તરત જ આ સમાચાર બંને પરિવાર સુધી પહોંચી ગયા. બંને સજાતીય હતા અને તેના કારણે પરિવારના સભ્યોને પણ આ સંબંધમાં કોઈ સમસ્યા ન હતી અને તે માટે સંમત થયા હતા.
હોળીના બીજા દિવસે લગ્ન:
બંને પરિવારોએ પરસ્પર સંમતિથી હોળીના બીજા દિવસે લગ્ન કરવાનું નક્કી કર્યું હતું અને નક્કી કરેલા દિવસે લગ્ન પણ સંપન્ન થયા હતા. રાહુલ હાલમાં 12મા ધોરણનો વિદ્યાર્થી છે જ્યારે જ્યોતિ BAની સ્નાતકની વિદ્યાર્થીની છે. બંનેના લગ્ન ગામના શિવ મંદિરમાં ધામધૂમથી થયા હતા અને પરિવારજનોએ બંનેને સુખી જીવનના આશીર્વાદ આપ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.