ડ્રાઈવર વગર જ રોડ પર એક કિલોમીટર સુધી ચાલતો રહ્યો ટ્રક અને પછી જે થયું તે…- વિડીયો જોઈ ધ્રુજી ઉઠશો

ઝારખંડ(Jharkhand)ના લોહરદગા(Lohardaga)માં નેશનલ હાઈવે-143A પર ડ્રાઈવર વગર લગભગ એક કિલોમીટર સુધી કન્ટેનર ચાલતું રહ્યું. આ ચોંકવનારૂ અને ડરામણું દ્રશ્ય જોઈને લોકો ચોંકી ગયા હતા અને અફરાતફરી મચી ગઈ હતી. વાસ્તવમાં, સ્ક્રેપથી ભરેલા ટ્રકને ચલાવતા ડ્રાઇવરે નિયંત્રણ ગુમાવ્યું અને પોતાનો જીવ બચાવવા તેમાંથી કૂદી ગયો. આ પછી પણ, ટ્રક ઘણા વૃક્ષો, ઇલેક્ટ્રિક થાંભલા અને દુકાનોને ટક્કર મારીને રસ્તા પર દોડતું રહ્યું.

झारखंड के लोहरदगा में अजीबोगरीब माजरा देखकर लोग हैरान रह गये।टक्कर के बाद ड्राइवर कंटेनर से कूद कर भाग गया और कंटेनर रफ्तार के साथ चलता रहा।बीच शहर में कंटेनर अपने ऊपर पेड़ लादे बगैर किसी चालक के तेज रफ्तार से चलता रहा।#Jharkhand pic.twitter.com/VLhPsPqhIY

— Sohan singh (@sohansingh05) December 4, 2022

જ્યારે લોહરદગા-ગુમલા હાઈવે પર લોહરદગાના પતરાતોલીમાં લોકોએ આ દ્રશ્ય જોયું તો તેઓ ચોંકી ગયા. વાસ્તવમાં ઝાડ સાથે અથડાયા બાદ ઝાડનો મોટો ભાગ કન્ટેનર પર પણ પડ્યો હતો. તે પછી પણ ટ્રક આગળ વધી રહ્યું હતું. જ્યારે લોકોએ જોયું કે ટ્રકની અંદર કોઈ ડ્રાઈવર નથી તો તેઓ ડરી ગયા. જેને કારણે હાહાકાર મચી ગયો હતો.

આ પછી ટ્રક રસ્તા પર એક કિલોમીટર ચાલ્યું અને ડ્રાઇવર વિના પતરાતોલીમાં પહોંચ્યું. જ્યારે તેની સ્પીડ ઓછી થઈ ત્યારે એક યુવકે તેને રોકી. સ્થાનિક વોર્ડ કાઉન્સિલર કમલા દેવી, પ્રત્યક્ષદર્શી વિમલકાંત સિંહ, ચંદન કુમાર મિશ્રા વગેરેએ જણાવ્યું કે મહત્વની વાત તો એ છે કે આમાં કોઈ જાનહાનિ થઈ નથી. કન્ટેનરની સ્પીડ ઓછી થતાં એક યુવક કોઈક રીતે ડ્રાઈવરની સીટ પર બેસી ગયો અને સમયસર બ્રેક લગાવી. જો ટ્રકને રોકવામાં ન આવ્યું હોત તો મોટી દુર્ઘટના બની શકી હોત.