શંકાની આડમાં બદમાશોએ મહિલાની આંખોમાં એસીડ ફેંકી અંધ બનાવી- હાલ ગંભીર હાલતમાં ઝઝૂમી રહી છે

મધ્યપ્રદેશ: પન્ના(Panna)માં એક આશ્ચર્યજનક કિસ્સો સામે આવ્યો છે. અહીં કેટલાક બદમાશો(Rogue)એ યુવતીની આંખોમાં એસિડ નાખી દીધું હતું. તેની હાલત હજુ ગંભીર છે. યુવતીને ગંભીર હાલતમાં રીવા મેડિકલ હોસ્પિટલ(Reva Medical Hospital)માં રિફર કરવામાં આવી છે. છોકરીનો ભાઈ ગુમ છે. જાણવા મળી રહ્યું છે કે, આરોપીને શંકા હતી કે, તેમને ત્યાંથી તેણે મહિલાને ભાગવામાં મદદ કરી હતી. પોલીસના જણાવ્યા અનુસાર, આરોપીઓ ઠાકુર સમુદાય(Thakur community)ના છે અને દબંગ છે. તે જ સમયે, પીડિત પછાત જાતિની છે. પોલીસે મોડી રાત્રે બંને આરોપીઓની ધરપકડ કરી હતી. પોલીસે આરોપીઓનું સરઘસ પણ કાઢ્યું હતું.

પીડિતાના જણાવ્યા અનુસાર, તે મંગળવારે સવારે 8 વાગ્યાની આસપાસ તેના ભાઈ 18 વર્ષના કપિલ ઢીમર સાથે તેના ઘરે હતી. ગુડિયા 12 મા ધોરણની વિદ્યાર્થીની છે. આ દરમિયાન પડોશી સુમ્મી રાજા અને ગોલ્ડી રાજા આવ્યા હતા. આરોપીઓએ અમને બંનેને ઘરેથી એમ કહીને લઈ ગયા હતા કે, તેમને થોડી પૂછપરછ કરવાની છે. ત્યારબાદ આરોપી અમને બંનેને તેના ખેતરમાં લઈ ગયો હતો. ત્યાં તેને મારી છેડતી કરી હતી. વિરોધ કરવા પર ભાઈ અને મારી સાથે મારપીટ પણ કરી હતી.

પીડિતાએ વધુમાં જણાવ્યું હતું કે, આ દરમિયાન સુમીએ મને પકડી લીધી અને બળજબરીથી આંખોમાં એસિડ નાખ્યું હતું. આ પછી ગોલ્ડીએ મારી બંને આંખો મસળી નાખી હતી. આરોપી મારા ભાઈને પોતાની સાથે લઈ ગયો હતો. મદદ માટે હું ખેતરમાં આમતેમ દીડતી રહી હતી. આ દરમિયાન, ગામના કેટલાક લોકો અવાજ સાંભળીને મારી પાસે આવ્યા અને ઘટના અંગે પોલીસને જાણ કરી હતી. બીજી બાજુ, ઘટનાની માહિતી મળ્યા બાદ કલેકટર સંજય મિશ્રા અને એસપી ધર્મરાજ મીણા હોસ્પિટલ પહોંચ્યા હતા અને આ મામલે પૂછપરછ કરી હતી. અધિકારીઓએ જલ્દીથી આરોપીઓને પકડવાની ખાતરી પણ આપી છે.