પ્રેમલગ્નનો ખૌફનાક અંત: રાજકોટની GRD યુવતીએ ગળાફાંસો ખાઇ જીવન ટુંકાવ્યું- કારણ જાણી લાલ થઇ શકે આંખો

રાજકોટ(ગુજરાત): આજકાલ વધી રહેલા આપઘાતના કિસ્સાઓ દરમિયાન ફરીવાર રાજ્યમાંથી એક ચક્ચારો આપઘાતનો બનાવ સામે આવ્યો છે. જેમાં રાજકોટ(Rajkot)ના મોરબી રોડ(Morbi Road) પર વેલનાથપરા કૈલાસ પાર્ક(Velnathpara Kailas Park)માં પ્રેમ લગ્ન કરનાર GRD યુવતીએ ગળાફાંસો ખાઇ આપઘાત કરી લેતા અરેરાટી છવાઈ છે. પતિ શંકા કરી હેરાન કરતો હોય કંટાળી જઇ તેણીએ આ પગલુ ભર્યું હોવાનું ખુલ્‍યુ છે.

મળતી માહિતી મુજબ, મોરબી રોડ વેલનાથપરા સામે કૈલાશપાર્ક શેરી નં. 2માં રહેતી આરતી કરણ સરસીયા (ઉવ.23)એ પોતાના ઘરે ચુંદડી બાંધી ગળાફાંસો ખાઇ લીધો હતો. આરતીને લટકતી જોઈ આસપાસના લોકો એકઠા થઈ ગયા હતા. કોઈએ 108ને જાણ કરતાં 108ની ટીમ ઈએમટી રમેશભાઈ સાથે તાત્કાલિક ઘટના સ્થળે પહોંચી ગઈ હતી.

બનાવની જાણ થતાં જ બી ડીવીઝન પોલીસ મથકના પીએસઆઈ પી.બી.ત્રાજિયા તથા હેડ કોન્સ. કે.સી.સોઢા સહિતના સ્ટાફ દ્વારા ઘટના સ્થળે પહોંચી તપાસ કરવામાં આવી હતી. મૃતક આરતીના ભાઈ પાર્થ હરદેવપરી ગોસ્વામીની ફરિયાદ પર, સંત કબીર રોડ નજીક ગોકુલનગર હાઉસિંગ સ્કીમ ક્વાર્ટરમાં રહેતા કરણ મેરાભાઈ સરસિયા વિરુદ્ધ આઈપીસીની કલમ 498 (A), 306 હેઠળ કેસ નોંધવામાં આવ્યો છે.

આ અંગે ફરિયાદ કરતા મૃતક આરતીના ભાઈ પાર્થે જણાવ્યું છે કે, તે એચએન શુક્લા કોલેજમાં બી.એ.ના પ્રથમ વર્ષમાં અભ્યાસ કરે છે. તેને છ બહેનો અને એક ભાઈ છે. આરતી છઠ્ઠા નંબરની બહેન હતી. પિતા હરદેવપરી ગોસ્વામી મંદિરમાં પૂજા કરે છે. આરતીએ તેની મરજીથી કરણ મેરામભાઇ સરસીયા સાથે પ્રેમ લગ્ન કર્યા હતા. આરતી 11 માર્ચે અમારા ઘરેથી GRDમાં કામ પર જવા માટેનું કહીને નીકળી હતી. બાદમાં જ્યારે ઘરે પરત ન ફરી ત્યારે પરિવારના સભ્યોએ તેને ફોન કર્યો ત્યારે તેણે કહ્યું કે, “હવે મને ફોન કરશો નહીં. હું કરણ સરસિયાને પ્રેમ કરું છું અને હું તેની સાથે રહેવા જઈ રહી છું.”