સુરતમાં મહિધરપુરા અને પાંડેસરા બે સ્થળોએ આગના બનાવો બન્યા: જુઓ દ્રશ્યો

સુરતના પાંડેસરા વિસ્તારમાં આવેલી ડાઈંગ મિલમાં મંગળવારે સવારે બીજા માળે અચાનક આગ ફાટી નીકળતા ભાગદોડ મચી ગઈ હતી. ઘટનાની જાણ થતા ફાયર વિભાગનો કાફલો ઘટના સ્થળે આવી પહોંચ્યો હતો અને આગ પર પાણીનો મારો ચલાવી આગ પર કાબૂ મેળવી લીધી હતી. હાલ કોઈપણ પ્રકારની જાનહાનિના અહેવાલ માલોઈ રહ્યા નથી. જોકે, ડાઈંગ મિલમાં મોટા પ્રમાણમાં નુકસાનનો અંદાજ લગાવવામાં આવી રહ્યો છે.

4 પ્રિન્ટિંગ મશીન, ફર્નીચર સહિતનો સામાન બળીને ખાખ થયો

પાંડેસરા વિસ્તારમાં વસંત ડાઈંગ મિલમાં બીજા માળે આવેલા પ્રિન્ટિંગ ખાતામાં અચાનક આગ ફાટી નીકળી હતી. સવારે 7.20 કલાકે ફાયર વિભાગને જાણ કરવામાં આવી હતી. જેથી ફાયર વિભાગનો કાફલો તાત્કાલિક ઘટના સ્થળે દોડી ગયો હતો અને પાણીનો મારો ચલાવી આગ પર કાબૂ મેળવી લીધો હતો. જોકે, આગ કાબૂમાં આવે તે પહેલા 4 પ્રિન્ટિંગ મશીન, 22 તાકા, ફર્નીચર, ઇલેક્ટ્રિક મોટર, કેબલ સહિતનો અન્ય સામાન બળીને ખાખ થઈ ગયો હતો. જેના પગલે મોટા નુકસાનનો અંદાજ લગાવવામાં આવી રહ્યો છે. જ્યારે આ આગની ઘટનામાં કોઈ જાનહાનિ સર્જાઈ હોવાના અહેવાલ મળ્યા નથી.