જાણો ગુજરાતના આ ગામોમાં વરરાજાને પોતાની જ જાનમાં જવાની મનાઈ છે, જાણો વધુ

ભારત વિવિધતાઓથી ભરેલો દેશ છે જ્યાં આવા અનોખા સંપ્રદાયો છે કે જેમના વિશે સાંભળીને બે પળ માટે તો અવાક થઇ જવાય. આવી જ એક અજોડ પરંપરા ગુજરાતના આદિવાસી વિસ્તારોમાં છે. અહીં વરને જાનમાં જવાની પરવાનગી નથી. તે પોતાના ઘર પર જ રહે છે, પણ તેના સ્થાને તેની અવિવાહિત બહેન વરના રૂપમાં બધી વિધિઓ પૂરી કરે છે.

જો બહેન ન હોય તો પરિવારની કોઈ અન્ય કુંવારી કન્યા વર પક્ષ તરફથી જાય છે. આવી સ્થિતિમાં વરરાજો ઘર પર તેની માતા સાથે રહે છે, પણ તેની બહેન બધાં સાથે વધુના દ્વાર પહોંચે છે, તેની સાથે લગ્ન કરે છે અને ઘરે પાછા આવે છે. જો કે વરરાજાને શેરવાણી અને સાફો પણ ધારણ કરે છે, તલવાર પણ હાથમાં લે  છે પરંતુ તે પોતાના લગ્નમાં સામેલ થઇ શકતો નથી.

સુરખેડા ગામના કાનજી રાઠવા કહે છે કે સામાન્ય રીતે સમગ્ર પરંપરાગત વિધિઓ જે વરરાજાએ કરવાની હોય છે તે તની બહેન કરે છે. ‘મંગળ ફેરા’ પણ બહેન પોતે લે છે.  રાઠવા આગળ જણાવે છે કે પરંતુ આ પરંપરા પાલન અહીં ફક્ત ત્રણ ગામોમાં થાય છે. એવું માનવામાં આવે છે કે જો આપણે તેનું  પાલન ન કરીએ તો કાંઈ નહી કંઈક અશુભ જરૂર થાય છે.