ઈરાનનો ઈઝરાયલ પર મોટો હુમલો, દુનિયામાં ખળભળાટ; ભારતનું સત્તાવાર નિવેદન- જાણો વિદેશ મંત્રાલયે શું કહ્યું?

Iran Attack On Israel: ઈરાને ઇઝરાયેલ પર ડ્રોન અને મિસાઈલ દ્વ્રારા હુમલા કરી રહ્યું છે. ઈરાનના ઇઝરાયેલ પર હુમલા પછી દુનિયાભરમાંથી પ્રતિક્રિયાઓ સામે આવી રહી છે. આ ક્રમમાં ભારતે (Iran Attack On Israel) પણ આ હુમલા અંગે ચિંતા વ્યક્ત કરી રહ્યું છે. વિદેશ મંત્રાલયે એક નિવેદન જારી કરીને આ હુમલા અંગે તેમજ ભારતીય નાગરિકો માટે ચિંતા વ્યક્ત કરી છે.

એક નિવેદન જારી કરીને ભારતે કહ્યું છે કે, “અમે ઇઝરાયેલ અને ઈરાન વચ્ચે વધી રહેલી દુશ્મનાવટથી ગંભીરતાથી ચિંતિત છીએ, જેનાથી આ ક્ષેત્રમાં શાંતિ અને સુરક્ષાને ખતરો વધી રહ્યો છે. અમે તાત્કાલિક તણાવ ઓછો કરવા, સંયમ જાળવવા, હિંસાથી પાછા હટવા અને રાજદ્વારી રસ્તા પર પરત ફરવા આહ્વાન કરીએ છીએ.” વિદેશ મંત્રાલયે વધુમાં જણાવ્યું છે કે, “મંત્રાલય ઉભરતી પરિસ્થિતિ પર નજીકથી નજર રાખી રહ્યું છે. આ ક્ષેત્રમાં અમારા દૂતાવાસો ભારતીય સમુદાયના નજીકના સંપર્કમાંરહ્યા છે. તે મહત્ત્વનું છે કે આ ક્ષેત્રમાં સુરક્ષા અને સ્થિરતા જળવાઈ રહે.”

ઈરાને ઇઝરાયેલ પર ડઝનેક ડ્રોન છોડ્યા, એ પછી વધારે માત્રમાં મિસાઇલો છોડી. જોકે યુએસ અને ઇઝરાયેલના સૈન્ય અધિકારીઓએ ડ્રોન અને મિસાઇલને નિષ્ક્રિય કરવાનો દાવો કરવામાં આવ્યો છે. ઇરાકમાં અમેરિકાના સૈન્ય મથક પર પણ હુમલાની માહિતી આપવામાં આવ્યું છે. જાણીતું છે કે ઇઝરાયેલે સીરિયામાં ઈરાનના મથકોને નિશાન બનાવીને હવાઈ હુમલા કરવામાં આવ્યું હતા.

જેમાં ઈરાનનો ટોપ કમાન્ડર માર્યો ગયો હતો. આ પછી તહેરાને બદલો લેવાની ચેતવણી આપી હતી. ઇઝરાયેલ ત્યારથી જ એલર્ટ થઈ ગયું હતું. અમેરિકી રાષ્ટ્રપતિ જો બાઇડને પણ ઈરાનને આવું ન કરવાની ચેતવણી આપી હતી. જોકે ઈરાન પર તેની કોઈ અસર થઈ નથી. તેહરાને આખરે ઇઝરાયેલ પર હુમલો કરી દેવામાં આવ્યો છે. તેલ અવીવના આકાશમાં એક સાથે ડઝનબંધ ડ્રોન અને મિસાઈલો જોવા મળ્યું હતું.