November 28, 2024
IND vs PAK World Cup 2023 Special Train: ભારતમાં રમાઈ રહેલા વન ડે ક્રિકેટ વર્લ્ડ કપનો ઉત્સાહ ધીમે ધીમે ચરમસીમાએ પહોંચી રહ્યો છે. આ વર્લ્ડ કપ (ODI World Cup 2023)ની સુપર હોટ મેચ એટલે કે ભારત-પાકિસ્તાન મેચ(IND vs PAK World Cup 2023 ) 14 ઓક્ટોબરના રોજ અમદાવાદના નરેન્દ્ર મોદી સ્ટેડિયમમાં રમાવાની છે. જેને લઈને ક્રિકેટ પ્રેમીઓમાં ભારે ઉત્સાહ જોવા મળી રહ્યો છે અને જે લોકોએ ટિકિટ ખરીદી છે તેઓ ગુજરાત પહોંચવાનું આયોજન કરી રહ્યા છે. આ દરમિયાન ભારતીય રેલ્વેએ એક મોટી જાહેરાત કરી છે જેનાથી હજારો ક્રિકેટ પ્રેમીઓ ખુશ થઈ જશે.
ક્રિકેટ પ્રેમીઓ માટે ખાસ ટ્રેન
ભારતીય રેલ્વે(Indian Railways) અનુસાર, ભારત અને પાકિસ્તાન (India vs Pak) વચ્ચેની ક્રિકેટ મેચ નિહાળનાર લોકોની ભીડને ધ્યાનમાં રાખીને, મુંબઈ સેન્ટ્રલ અને અમદાવાદ સ્ટેશનો વચ્ચે સ્પેશિયલ સુપરફાસ્ટ ટ્રેન (Mumbai Central- Ahmedabad Special Train)ની જોડી ચલાવવામાં આવશે. . આ મેચ 14 ઓક્ટોબરે અમદાવાદના નરેન્દ્ર મોદી સ્ટેડિયમમાં રમાશે. પશ્ચિમ રેલ્વેએ એક નિવેદન જારી કરીને જણાવ્યું હતું કે મુંબઈ સેન્ટ્રલ-અમદાવાદ વિશેષ ટ્રેન શુક્રવારે રાત્રે 9.30 વાગ્યે મુંબઈ સેન્ટ્રલથી ઉપડશે. આ ટ્રેન બીજા દિવસે સવારે 5.30 કલાકે અમદાવાદ પહોંચશે.
પ્રવાસ માટે ચૂકવવું પડશે વિશેષ ભાડું
પશ્ચિમ રેલવે વિભાગ અનુસાર, અમદાવાદ-મુંબઈ સેન્ટ્રલ સ્પેશિયલ ટ્રેન(Mumbai Central- Ahmedabad Special Train) રવિવારે સવારે 4 વાગ્યે અમદાવાદથી ઉપડશે અને તે જ દિવસે બપોરે 12:10 વાગ્યે મુંબઈ સેન્ટ્રલ પહોંચશે. રેલવેએ કહ્યું કે આ ટ્રેનમાં મુસાફરી કરનારા લોકો પાસેથી વિશેષ ભાડું વસૂલવામાં આવશે. આ સ્પેશિયલ સ્પેશિયલ ટ્રેનમાં એસી 2-ટાયર, એસી 3-ટાયર, સ્લીપર અને જનરલ ક્લાસ કોચ હશે.
Trending News
આ દિવસથી શરૂ થશે ટિકિટ બુકિંગ
ભારતીય રેલ્વેએ જણાવ્યું કે આ સ્પેશિયલ ટ્રેન (મુંબઈ સેન્ટ્રલ-અમદાવાદ સ્પેશિયલ ટ્રેન) તેની મુસાફરી દરમિયાન દાદર, બોરીવલી, પાલઘર, વાપી, વલસાડ, નવસારી, સુરત અને વડોદરા સ્ટેશનો પર ઉભી રહેશે. આ ટ્રેનમાં ટિકિટ લઈને મુસાફરી કરવા માંગતા લોકો માટે 12 ઓક્ટોબરથી તમામ પબ્લિક રિઝર્વેશન સર્વિસ (PRS) કાઉન્ટર અને ઈન્ડિયન રેલવે કેટરિંગ એન્ડ ટુરિઝમ કોર્પોરેશન (IRCTC)ની વેબસાઈટ શરૂ થઈ જશે.
ટ્રેન નંબર 09013/09014 મુંબઈ સેન્ટ્રલ-અમદાવાદ સુપરફાસ્ટ સ્પેશિયલ
ટ્રેન નંબર 09013 મુંબઈ સેન્ટ્રલ-અમદાવાદ સ્પેશિયલ મુંબઈ સેન્ટ્રલ શુક્રવાર, 13 ઓક્ટોબર, 2023ના રોજ 21.30 કલાકે ઉપડશે અને બીજા દિવસે 05.30 કલાકે અમદાવાદ પહોંચશે. એ જ રીતે, બદલામાં, ટ્રેન નંબર 09014 અમદાવાદ-મુંબઈ સેન્ટ્રલ સ્પેશિયલ અમદાવાદથી રવિવાર, 15 ઓક્ટોબર, 2023ના રોજ 04.00 કલાકે ઉપડશે અને તે જ દિવસે 12.10 કલાકે મુંબઈ સેન્ટ્રલ પહોંચશે.
આ સ્ટેશનો પર ઉભી રહેશે ટ્રેન
આ ટ્રેન બંને દિશા માં દાદર, બોરીવલી, પાલઘર, વાપી, વલસાડ, નવસારી, સુરત અને વડોદરા જંકશન સ્ટેશનો પર ઉભી રહેશે. આ ટ્રેનમાં એસી 2 ટાયર, એસી 3 ટાયર, સ્લીપર ક્લાસ અને સેકન્ડ ક્લાસ જનરલ કોચ હશે. ટ્રેન નંબર 09013 અને 09014 માટે બુકિંગ 12 ઓક્ટોબર 2023 થી તમામ PRS કાઉન્ટર્સ અને IRCTC વેબસાઇટ પર શરૂ થશે. ઉપરોક્ત ટ્રેન વિશેષ ભાડા પર વિશેષ ટ્રેન તરીકે દોડશે. સ્ટોપેજના સમય અને બંધારણ અંગેની વિગતવાર માહિતી માટે, મુસાફરો કૃપા કરીને www.enquiry.indianrail.gov.in ની મુલાકાત લઈ શકે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube