May 10, 2024
Shivam Mavi India vs Sri lanka: ભારતીય ટીમે નવા વર્ષની પોતાની પ્રથમ મેચમાં શ્રીલંકાની ટીમને 2 રને હરાવ્યું હતું. આ મેચનો હીરો ફાસ્ટ બોલર શિવમ માવી(Shivam Mavi) હતો, જેણે મુંબઈ(Mumbai)ના વાનખેડે મેદાન(Wankhede Stadium) પર શ્રીલંકાના બેટ્સમેનોને સુપડા સાફ કરી દીધા હતા. નોઈડાના રહેવાસી શિવમ માવીએ આ મેચમાં 22 રન આપીને 4 મોટી વિકેટ લઈને ટીમ ઈન્ડિયાને જીત અપાવી હતી.
For his brilliant bowling figures of 4/22 on his debut game, @ShivamMavi23 is our Top Performer from the second innings.
A look at his bowling summary here 👇👇#INDvSL @mastercardindia pic.twitter.com/nkDyHeRLCo
— BCCI (@BCCI) January 3, 2023
ડેબ્યૂ મેચમાં હીરો બનેલા શિવમ માવીને આ તક માટે 6 વર્ષ રાહ જોવી પડી હતી. 24 વર્ષના શિવમ માવીને હવે ટીમ ઈન્ડિયામાં જગ્યા મળી ગઈ અને તેણે શાનદાર રીતે ડેબ્યૂ કર્યું હતું. તેણે 2018માં IPL અને ફર્સ્ટ ક્લાસ મેચમાં ડેબ્યૂ કર્યું હતું. આના એક વર્ષ પહેલા, તેણે તેની મજબૂત સફર શરૂ કરી.
આ જ કારણ હતું કે તેને 2018ના અંડર-19 વર્લ્ડ કપમાં પણ જગ્યા મળી હતી. ત્યારબાદ પૃથ્વી શોની કેપ્ટન્સીમાં ભારતીય ટીમે ઓસ્ટ્રેલિયાને હરાવીને ટાઈટલ જીત્યું હતું. તે ફાઇનલમાં શિવમ માવીએ એક વિકેટ લીધી હતી.
Trending News
‘હાર્દિક ભાઈએ મને સતત પોઝીટીવ રાખ્યો’
મેચ બાદ શિવમે પોતે કહ્યું, ‘હું 6 વર્ષથી રાહ જોઈ રહ્યો હતો. ઈજાના કારણે મને લાગ્યું કે હું દૂર રહીશ. હાર્દિક ભાઈ તરફથી ડેબ્યુ કેપ મેળવવી એ સપના સાકાર થવાથી ઓછું નથી. પોતાની ટીમ માટે ડેબ્યૂ કરવું અને પરફોર્મ કરવાનું દરેકનું સપનું હોય છે. હાર્દિક ભાઈ મને સતત પોઝીટીવ રાખતા હતા અને મારી સાથે સતત વાત કરતા હતા. મારી પ્રથમ વિકેટ સૌથી ફેવરિટ હતી કારણ કે મેં તેને આઉટ કર્યો હતો.
અમે જણાવી દઈએ કે, શિવમ માવી ઉત્તર પ્રદેશના નોઈડા શહેરનો રહેવાસી છે. શિવમનો પરિવાર મૂળ મેરઠનો છે. શિવમના પિતા પંકજ માવીએ જણાવ્યું કે, તે લગભગ 22 વર્ષથી નોઈડામાં રહે છે. તે અહીં નોકરીના સંબંધમાં જ આવ્યો હતો. પરંતુ અહીં જ્યારે પુત્રનો ક્રિકેટમાં રસ જાગ્યો ત્યારે મેં વિચાર્યું પણ નહોતું કે તે આંતરરાષ્ટ્રીય સ્ટાર બનશે. તે કહે છે કે શિવમે પણ ભારતીય ટીમમાં સામેલ થવા માટે ઘણી મહેનત કરી છે. શિવમ નાનપણથી જ ક્રિકેટ રમે છે. તેને અભ્યાસ અને રમતગમતનું સંચાલન કરવા માટે ખૂબ જ મહેનત કરવી પડી હતી.
શિવમે શરૂઆતમાં માત્ર એક શોખ તરીકે ક્રિકેટ રમવાનું શરૂ કર્યું, પરંતુ તેની પ્રતિભાની કસોટી કર્યા પછી કોચે શિવમના પિતાને કહ્યું કે તમારા બાળકમાં ટેલેન્ટ છે, તેનું ક્રિકેટ બંધ ન કરો. તે યુપીની ટીમમાં અંડર 14માં સિલેક્શન મેળવવા માંગતો હતો, પરંતુ ત્યાં સિલેક્શન ન થવાને કારણે શિવમ દિલ્હી અંડર 14માં રમ્યો. આ પછી અંડર-16 યુપી તરફથી રમ્યો. પછી ઘણા પ્રયત્નો બાદ અંડર-19માં સિલેક્શન થયું અને અંડર-19 વર્લ્ડ કપ સુધી રમ્યો. આ પછી હવે તેને ભારતીય ટીમમાં પસંદ કરવામાં આવ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.
