July 27, 2024
CSK vs GT IPL 2023 Final: IPL 2023 નો ચેમ્પિયન મળી ગયો છે. એમએસ ધોની (MS Dhoni) ની કપ્તાની હેઠળ ચેન્નાઈ સુપર કિંગ્સે (Chennai Super Kings) પાંચમી વખત આ ખિતાબ કબજે કર્યો છે. અગાઉ, રોહિત શર્માની કપ્તાની હેઠળ મુંબઈ ઈન્ડિયન્સે સૌથી વધુ વખત ઈન્ડિયન પ્રીમિયર લીગ (Indian Premier League) ટ્રોફી (IPL trophy) જીતી હતી, હવે CSKએ તેમની બરાબરી કરી લીધી છે. ફાઈનલ મેચ જે રીતે થવી જોઈતી હતી તે જ રીતે થઈ. મેચનો રોમાંચ એવો હતો કે છેલ્લા બોલ સુધી ખબર ન હતી કે આ વખતે કઈ ટીમ ચેમ્પિયન બનશે. પરંતુ તમને જણાવી દઈએ કે, IPL 2023નો ચેમ્પિયન 23 મેના રોજ જ નક્કી થઇ ગયો હતો. તમે કહેશો આવું કેમ… પરંતુ આમ જ છે. 23 મેના રોજ જ ખબર પડી કે ચેન્નાઈ સુપર કિંગ્સ આ વખતે ચેમ્પિયન બનવા જઈ રહી છે.
IPL પોઈન્ટ ટેબલમાં નંબર વન અને બે રેન્ક ધરાવતી ટીમોને મળે છે ફાયદો
જો આપણે લગભગ 16 વર્ષના IPLના ઈતિહાસ પર નજર કરીએ, તો આપણને જોવા મળે છે કે આ સમયગાળા દરમિયાન, લીગ તબક્કાના અંત પછી જે પણ ટીમ પોઈન્ટ ટેબલમાં નંબર વન અને બે પર રહી છે, તેણે વધુ વખત ટાઈટલ કબજે કર્યું છે. તેનું કારણ એ છે કે ટોચની 2 ટીમોને ફાઇનલમાં જવાની બે તક મળે છે. જે ટીમ સતત પોતાની મેચ જીતીને નંબર વન અને બે પર આવે છે, તે વિચારવું ખૂબ મુશ્કેલ છે કે આ ટીમ બે મેચ હારી જશે. બીજી તરફ જે ટીમ ત્રીજા અને ચોથા નંબરે આવે છે તેણે એલિમિનેટર રમવું પડે છે. એટલે કે, જે ટીમ મેચ હારી જાય છે, તેની રમત સમાપ્ત થાય છે અને વિજેતા ટીમને વધુ એક મેચ જીતવી પડે છે, જેથી તે ફાઇનલમાં પ્રવેશી શકે. આ રસ્તો ઘણો મુશ્કેલ છે.
IPLના પ્રથમ ક્વોલિફાયરનો વિજેતા બની રહ્યો છે ચેમ્પિયન
આઈપીએલના છેલ્લા છ વર્ષની વાત કરીએ તો તમને જાણીને નવાઈ લાગશે કે જે ટીમ પ્રથમ ક્વોલિફાયરની વિજેતા રહી છે, તેણે આઈપીએલનો ખિતાબ જીત્યો છે. ચાલો તમને જણાવીએ 2018 થી. આ વર્ષે IPLનો પ્રથમ ક્વોલિફાયર SRH અને CSK વચ્ચે રમાયો હતો. CSKએ આ મેચ બે વિકેટથી જીતી લીધી હતી. તે વર્ષે, એમએસ ધોનીની આગેવાનીમાં ચેન્નાઈ સુપર કિંગ્સ IPL ચેમ્પિયન બની હતી. આ પછી, વર્ષ 2019 માં, પ્રથમ ક્વોલિફાયર મેચ CSK અને મુંબઈ ઈન્ડિયન્સ વચ્ચે રમાઈ હતી, તે મુંબઈ ઈન્ડિયન્સે છ વિકેટે જીતી હતી અને ફાઇનલમાં પણ જીત મેળવી હતી. આ પછી, વર્ષ 2020 માં, મુંબઈ ઈન્ડિયન્સ અને દિલ્હી કેપિટલ્સ વચ્ચે ક્વોલિફાયર મેચ રમાઈ હતી. મુંબઈ ઈન્ડિયન્સે આ મેચ 57 રને જીતી લીધી અને રોહિત શર્માની કેપ્ટન્સી હેઠળ ટીમે ટાઈટલ પર કબજો કર્યો હતો.
Trending News
દિલ્હી કેપિટલ્સ બે વખત પ્લેઓફ માટે ક્વોલિફાય થયું હતું, પરંતુ ટાઇટલથી દૂર રહ્યું
વર્ષ 2021 માં, પ્રથમ ક્વોલિફાયર મેચ દિલ્હી કેપિટલ્સ અને CSK વચ્ચે રમાઈ હતી. જેમાં CSK એ DC ને ચાર વિકેટથી હરાવીને પોતે ચેમ્પિયન બની હતી. આ પછી વર્ષ 2022 આવે છે… આ વર્ષે IPLની પ્રથમ ક્વોલિફાયર મેચ રાજસ્થાન રોયલ્સ અને ગુજરાત ટાઇટન્સ વચ્ચે રમાઈ હતી. જીટીએ આ મેચ સાત વિકેટે જીતી લીધી અને તે પછી ટીમે પ્રથમ વખત આઈપીએલ ટ્રોફી પર કબજો કર્યો. હવે વાત કરીએ આ વર્ષની… સીએસકે અને જીટી વચ્ચે હરીફાઈ હતી, જે નંબર વન અને બે છે. અહીં CSK એ GT ને 15 રને હરાવ્યું અને તે પછી ફાઈનલ જીતીને તેમનું પાંચમું ટાઈટલ જીત્યું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.