RSS સ્વયંસેવક બન્યો મોબ લીન્ચિંગનો શિકાર, પોલીસે કહ્યું આ વાત ખોટી- જાણો વિગતે

18 મી મેના મધ્ય પ્રદેશના રોજ ખાંડવા જિલ્લાના હાપલા અને દીપાલા ગામના લોકો વચ્ચે ઘર્ષણ થયું હતું, જેમાં રમેશ ફૂલમાલી સહિત ઘણા લોકો ઘાયલ થયા હતા. મધ્યપ્રદેશના ખાંડવા જિલ્લામાં બકરી ચરાવવા જેવી નાની બાબત પર બે સમુદાયો(હિંદુ મુસ્લિમ) વચ્ચેની વાતચીતએ હિંસક રૂપ ધારણ કર્યું હતું. વાતચીતમાંથી હિંસા પર ઉતરેલા ટોળાની હિંસામાં ઘણા લોકો ઘાયલ થયા હતા, જેમાં 28 વર્ષિય રાષ્ટ્રીય સ્વયંસેવક સંઘ (RSS) ના કાર્યકર રમેશ ફૂલમાલીનું રવિવાર 31 મેના રોજ હોસ્પિટલમાં નિધન થયું હતું. 18 મેના રોજ આ અથડામણ ખાંડવા જિલ્લાના હાપલા અને દીપાળા ગામના લોકો વચ્ચે થઈ હતી. રમેશના મોતના સમાચાર મળતાં જ જિલ્લા વહીવટીતંત્ર એક્શન મોડમાં આવી ગયું હતું અને આખું ગામ પોલીસ કેમ્પમાં ફેરવાઈ ગયું હતું.

13 દિવસ હોસ્પિટલમાં દાખલ થયા બાદ રમેશનું રવિવારે ઈન્દોરની હોસ્પિટલમાં નિધન થયું હતું. સોમવારે તેમના પાર્થિવ દેહને અંતિમ સંસ્કાર માટે ખાંડવા જિલ્લાના તેમના ગામ લાવવામાં આવ્યા હતા, પરંતુ થોડા સમય માટે ગ્રામજનોએ હત્યારાઓની ધરપકડ, વળતર અને સરકારી નોકરીની માંગણી સાથે અંતિમ સંસ્કારનો ઇનકાર કર્યો હતો.

જો કે, વહીવટી તંત્ર ની સમજાવટ પર, તે અંતિમ સંસ્કાર માટે સંમત થઈ ગયા. સ્થાનિક વિશ્વ હિન્દુ પરિષદ (વીએચપી) ના નેતા નવનીત અગ્રવાલે આરોપ લગાવ્યો છે કે રમેશ બંને સમુદાયો વચ્ચેની અથડામણમાં નથી માર્યા, પરંતુ પૂર્વઆયોજિત ટોળાની હિંસાનો શિકાર બન્યા હતા. જોકે પોલીસે જણાવ્યું છે કે તપાસમાં હજી સુધી આવી કોઈ હકીકત સામે આવી નથી.