November 24, 2024
Israel Hamas War: સોશિયલ મીડિયા પ્લેટફોર્મ ‘X’ પર ઈઝરાયેલના સૈનિકો(Israel Hamas War) દ્વારા એક વીડિયો શેર કરવામાં આવ્યો છે. વીડિયોમાં જોવા મળી રહ્યું છે કે હમાસના કબજા હેઠળના ગાઝા પર ઈઝરાયેલની સેના ભારે બોમ્બમારો કરી રહી છે. સોશિયલ મીડિયા પર શેર કરવામાં આવેલો વીડિયો ડ્રોનથી શૂટ કરવામાં આવ્યો છે.
ઈઝરાયેલ ડિફેન્સ ફોર્સિસ (IDF) એ ટ્વિટર પર એક પોસ્ટમાં લખ્યું છે કે ઈઝરાયેલે આતંકવાદી ઈન્ફ્રાસ્ટ્રક્ચરના જોખમને ખતમ કરવા માટે ગાઝા પટ્ટી પર બોમ્બમારો કર્યો છે. એવું કહેવામાં આવ્યું હતું કે ઇઝરાયેલના સૈનિકોએ પુરાવા એકત્રિત કર્યા છે, જે હમાસના આતંકવાદીઓના નિયંત્રણમાં રહેલા આપણા નાગરિકોને શોધવામાં મદદરૂપ સાબિત થશે.
🔻 The past 24hrs:
The IDF conducted raids in Gazan territory to eliminate the threat of terrorist cells and infrastructure.
Soldiers collected evidence that will aid in📍locating hostages.
The IAF continued striking Hamas terrorist targets and anti-tank missile launchers in… pic.twitter.com/QEr9KCM7R7
— Israel Defense Forces (@IDF) October 13, 2023
Trending News
વીડિયોમાં દેખાઈ રહ્યું છે કે હમાસના આતંકવાદીઓ દ્વારા ગાઝા પટ્ટીમાં બીચ નજીક પહેલા કેટલાય રોકેટ છોડવામાં આવ્યા હતા. થોડા સમય પછી, હુમલાના સ્થળો ધુમાડા અને ધૂળના જાડા વાદળમાં અદૃશ્ય થઈ ગયા. IDFએ પોસ્ટમાં કહ્યું કે ઇઝરાયેલ પર હુમલા બાદ તરત જ IAF (ઇઝરાયેલ એરફોર્સ)એ ગાઝામાં હમાસના આતંકવાદી લક્ષ્યો પર ભીષણ હુમલો કર્યો. જણાવવામાં આવી રહ્યું છે કે શુક્રવારે ગાઝા પટ્ટી પર સતત ઈઝરાયેલના હવાઈ હુમલાઓ વચ્ચે ઈઝરાયેલી દળો દ્વારા જમીની કાર્યવાહી પણ કરવામાં આવી હતી.
સેનાના એક નિવેદનમાં કહેવામાં આવ્યું છે કે છેલ્લા 24 કલાકમાં ઈઝરાયેલની સેનાએ આતંકવાદીઓના ઠેકાણાઓ અને હથિયારોને સાફ કરવાના તમામ પ્રયાસો કર્યા છે. પ્રયાસોને અંતિમ સ્વરૂપ આપવા માટે ગાઝા પટ્ટીની અંદર કાર્યવાહી કરવામાં આવી છે. આ ઓપરેશનો દરમિયાન ગુમ થયેલા ઈઝરાયલી નાગરિકો અને સૈનિકોને શોધવાના પ્રયાસો પણ કરવામાં આવ્યા હતા.
ઇઝરાયેલ-હમાસ યુદ્ધમાં મૃત્યુઆંક 3,200ને પાર કરી ગયો છે
ગત શનિવારથી ઈઝરાયેલ-હમાસ યુદ્ધ ચાલી રહ્યું છે. બંને દેશો વચ્ચે ચાલી રહેલા સંઘર્ષમાં એક સપ્તાહમાં મૃત્યુઆંક 3,200 પર પહોંચી ગયો છે. ઈઝરાયેલના માર્યા ગયેલા લોકોની સંખ્યા 1300થી વધુ છે, જ્યારે પેલેસ્ટાઈનની સંખ્યા 1900થી વધુ છે. યુનાઈટેડ નેશન્સ હ્યુમેનિટેરિયન ઓફિસ (OCHA)ના રિપોર્ટ અનુસાર, ઈઝરાયેલ દ્વારા 24 કલાકમાં ગાઝા વિસ્તાર ખાલી કરવાની ચેતવણી આપ્યા બાદ ગાઝામાં મોટી સંખ્યામાં લોકો દક્ષિણ તરફ ભાગી ગયા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube