‘ભાજપ કોંગ્રેસ એક છે’ બોલતા આમ આદમી પાર્ટીના નેતાઓ પોતાના ઉમેદવારે ફોર્મ પાછું ખેંચી લેતા પડ્યા ભોંઠા….

ગુજરાત: હાલમાં ગુજરાતમાં કેટલી નગરપાલિકાઓ અને ગાંધીનગર (Gandhinagar) મહાનગર પાલિકાઓમાં ચૂંટણીઓ ની સિઝન ચાલી રહી છે. ત્યારે ગુજરાતના રાજકારણમાં પગપેસારો કરી ચૂકેલી આમ આદમી પાર્ટી (AAP) ના બિનઅનુભવી નેતાઓ પોતાના કેટલાક નિવેદનોને લઈને ક્ષોભમાં મુકાઈ જતાં જોવા મળ્યા છે. ત્યારે હવે ગુજરાતના આમ આદમી પાર્ટીના નંબર વન નેતા ગણાતા ઈશુદાન ગઢવી (Isudan Gadhvi) એ ભાંગરો વાટયો છે.

વિગતે વાત કરીએ તો થરા નગરપાલિકામાં ૨૪ બેઠકો છે અને છ વોર્ડ છે. જેમાં ભાજપ, કોંગ્રેસ અને આમ આદમી પાર્ટીના ઉમેદવારો ચૂંટણી જંગમાં સામેલ થયા છે. ભાજપ દ્વારા તમામ વોર્ડમાં ઉમેદવારો ઊભા કરાયા છે. સાથે સાથે કોંગ્રેસ અને આમ આદમી પાર્ટીએ પણ પોતાના ઉમેદવારો ખડા કર્યા છે. ત્યારે થરા નગરપાલિકાની ચૂંટણીમાં વોર્ડ નંબર ચાર માં કોંગ્રેસના મહિલા ઉમેદવારે ભાજપને ટેકો જાહેર કરી દેતાં કોંગ્રેસ હકમચી ગઈ છે, જો કે કોંગ્રેસ માટે આ નવી વાત નથી.

પરંતુ આ વાતને લઈને સોશિયલ મીડિયામાં પોસ્ટ મુકતા આમ આદમી પાર્ટીના નેતા ઈશુદાન ગઢવી એ ‘ભાજપ અને કોંગ્રેસ એક જ છે’ એવી મજાક કરી છે. પરંતુ તેઓ સાથે સાથે એક પેપર કટીંગ મૂકીને વિવેચકો નો શિકાર બન્યા છે. આ પેપર કટિંગ માં માત્ર કોંગ્રેસ જ નહીં, પરંતુ આમ આદમી પાર્ટીના એક ઉમેદવારે પણ પોતાનું ફોર્મ ખેચી લીધું છે. અને આ ઉમેદવાર કોંગ્રેસ ની લાઈનમાં આવી ગયા હોય તેવું સ્પષ્ટ લખ્યું છે. આમ અતિરેકમાં આવીને મુકેલી પોસ્ટમાં સોશિયલ મીડિયા યુઝરોએ ઇસુદાન ને બરાબરના ઉતારી પાડ્યા છે. આ બાબતે સોશિયલ મીડિયામાં વિવેચકો કેવી  કોમેન્ટ્સ કરી રહ્યા છે જુઓ:

પારસ સોજીત્રા નામના યુઝર લખે છે કે, ‘એ પત્રકાર ભાઈ પોસ્ટ ડીલીટ કરો આમાં તમારી પાર્ટી વાળા એ પણ સેટિંગ પડ્યું છે’.