કોરોના વચ્ચે ગુજરાતમાં વિધાનસભા શરુ રાખવી ભારે પડી- એક સાથે આટલા અધિકારીઓનો રીપોર્ટ આવ્યો પોઝીટીવ

હાલમાં જયારે સમગ્ર દેશની સાથે-સાથે રાજ્યમાં પણ કોરોનાની સ્તીથી વણસતી જઈ રહી છે ત્યારે એક સમાચાર સામે આવ્યા છે. છેલ્લા થોડા દિવસથી કોરોનાના કેસમાં જબરદસ્ત ઉછાળો આવ્યો છે. જેને ધ્યાનમાં લઈ રાજ્યના મહાનગરોમાં રાત્રી કર્ફ્યુના સમયમાં વધારો કરીને રાત્રીના 10 વાગ્યાથી લઈને સવારના 6 વાગ્યાનો કરી દેવામાં આવ્યો છે.

ગુજરાત રાજ્યમાં કોરોનાના કેસ વધતા અંશત લોકડાઉન જેવી જાહેરાત કરવામાં આવી છે. આ દરમ્યાન, વિધાનસભામાં બજેટ સત્ર શરૂ રાખવામાં આવ્યું છે. વિધાનસભા બજેટ સત્ર દરમિયાન જ પાંચ નાયબ સચિવ કોરોનાની ચપેટમાં આવ્યાં છે જેના કારણે અન્ય અધિકારીઓમાં ગભરાટનો માહોલ પ્રવર્તી રહ્યો છે. વિધાનસભા બજેટ સત્ર હવે આખરી પડાવમાં છે ત્યારે જ ગુજરાતમાં કોરોનાના કેસો વધ્યાં છે.ફરી એકવાર ગુજરાતના મોટા શહેરોમાં તો આંશિક લોકડાઉન જેવી સ્થિતી પરિણમી છે. આ સંજોગોમાં વિધાનસભા સત્ર ચાલી રહ્યુ છે.

વિધાનસભામાં ધારાસભ્ય, અધિકારી, પોલીસને લીધે કોરોનાના સંક્રમણની શક્યતા વધુ
રાજ્ય સરકારને આમ જનતા વચ્ચે કોરોના ફેલાય તેની ચિંતા છે. તો શું વિધાનસભામાં કોરોના ન ફેલાઈ શકે. રાજ્ય સરકાર દ્વારા ચાની કીટલી, રેસ્ટોન્ટ, મોલ માં થોડાક લોકો એકત્ર થાય તો સરકારને કોરોના વકરવાનો ભય સતાવે છે જયારે વિધાનસભામાં એક જ હોલમાં 170થી વધુ ધારાસભ્યો,100થી વધુ અધિકારીઓ,પોલીસ કર્મચારીઓ ઉપસ્થિત હોય છે. મુલાકાતીઓની પણ અવરજવર સતત શરૂ રહેતી હોય છે ત્યારે કોરોના થવાની શક્યતા વધુ રહેલી છે.

અન્ય અધિકારીઓને હોમ કવોરન્ટાઇન થવા અંગે જણાવાયુ છે
મળતી માહિતી મુજબ, સામાન્ય વહીવટ, માર્ગ મકાન વિભાગ, પંચાયત વિભાગ, વન પર્યાવરણ વિભાગ અને ગૃહ વિભાગના પાંચ ડેપ્યુટી સેક્રેટરી કોરોનાથી સંક્રમિત થયા છે. આ જોતાં આ જ વિભાગના અન્ય અધિકારીઓને હોમ કવોરન્ટાઇન થવા જણાવી દેવાયુ છે.