ભારતીયો માટે અમેરિકા જવું બન્યું સરળ, ટ્રમ્પએ આપ્યા હજારોની સંખ્યામાં નવા વિઝા. જાણો કોને મળશે ?

અમેરિકાના પ્રમુખ ડોનાલ્ડ ટ્રમ્પના વહીવટી તંત્રે લીધેલા એક નિર્ણયના કારણે ભારતીયો માટે અમેરિકા જવાની તક ઉભી થઈ ગઈ છે. ટ્રમ્પ વહીવટી તંત્ર 30 હજાર વિદેશી કામદારોને હંગામી ધોરણે વિઝા આપશે. સપ્ટેમ્બરના અંત સુધીમાં આ વિઝા આપવામાં આવે તેવી શક્યતા છે.

અમેરિકામાં એચ ટુ બી વિઝા રિટર્નિંગ ફોરેન વર્કરને આપવામાં આવે છે. આ વિઝા એવા વિદેશીઓને આપવામાં આવે છે કે જે થોડાક સમય પછી પોતાના વતન પાછા ફરવાના હોય છે. આવા વિઝા હોલ્ડરો થોડાક સમય પછી તે જ કંપનીમાં નોકરી માટે ફરી જાય છે અને એ રીતે તેમને વારંવાર અમેરિકા જવાની તક મળે છે.