સચ કડવા હૈ! રવિન્દ્ર જાડેજાએ ભાજપમાં તો, તેના પિતાએ કોંગ્રેસ માટે માગ્યા મત- જનતાના હિત માટે રાજકારણ કરે છે કે પોતાના…

ગુજરાત(Gujarat): જામનગર(Jamnagar)ની 78 ઉત્તર વિધાનસભા બેઠક પર ક્રિકેટર રવિન્દ્ર જાડેજા(Ravindra Jadeja)ના ધર્મપત્ની રીવાબા જાડેજા(Rivaba Jadeja) ભાજપ(BJP)ના ઉમેદવાર તરીકે ઉભા રહ્યા છે. જ્યારે કોંગ્રેસ(Congress) દ્વારા જામનગર ચેમ્બર્સ ઓફ કોમર્સના પ્રમુખ બિપેન્દ્રસિંહ જાડેજા(Bipendra Singh Jadeja) ચૂંટણી મેદાને ઉતારવામાં આવ્યા છે. ત્યારે રવિન્દ્ર જાડેજાના પિતા અનિરુદ્ધસિંહ જાડેજા(Anirudh Singh Jadeja) દ્વારા કોંગ્રેસના ઉમેદવાર બિપેન્દ્રસિંહ જાડેજાને વિજય બનાવવા રાજપૂત સમાજને અપીલ કરવામાં આવી છે. જેને લઈ જામનગરના રાજકારણમાં ભારે ગરમાવો આવ્યો છે.

જો વાત કરવામાં આવે તો એક તરફ જામનગરની ઉત્તર વિધાનસભા બેઠક પર રિવાબાને જીતાડવા રવીન્દ્ર જાડેજા એડીચોટીનું જોર લગાવી રહ્યો છે અને ઠેર-ઠેર રોડ શો કરીને પ્રચાર પ્રસાર કરી રહ્યો છે. તો બીજી બાજુ રવિન્દ્ર જાડેજાના પિતા અનિરૂદ્ધસિંહ જાડેજા દ્વારા કોંગ્રેસના ઉમેદવારને જીતાડવા અપીલ કરવામાં આવી છે. સાથે જ રવિન્દ્ર જાડેજાની બહેન પણ કોંગ્રેસના ઉમેદવારને જીતાડવા માટે પ્રચાર કરી રહી છે.

રવિન્દ્ર જાડેજાના પિતાએ જુઓ શું કહ્યું?
રવિન્દ્ર જાડેજાના પિતા અનિરુદ્ધસિંહ જાડેજાએ વીડિયો દ્વારા જણાવતા કહ્યું કે, હાલ વિધાનસભાની ચૂંટણી ચાલી રહી છે તેમાં જામનગરના ઉત્તર વિધાનસભા બેઠકના ઉમેદવાર બીપેન્દ્રસિંહ જાડેજા કોંગ્રેસના ઉમેદવાર એવા મારા નાના ભાઈ જે રાજપુત સમાજના ખાસ વ્યક્તિ છે તેઓને વિજય બનાવવા મારી નમ્ર વિનંતી છે. ક્રિકેટર રવિન્દ્ર જાડેજાના પિતાએ ભાજપના ઉમેદવાર રીવાબાના બદલે કોંગ્રેસના ઉમેદવારને જીતાડવા માટે અપીલ કરવામાં આવી છે. જેને લઈ રાજકારણમાં ગરમાવો આવી ગયો છે.