ચૂંટણી જીતવા કઈ પણ કરી શકે ભાજપ? લોકોને પૈસા આપતો વિડીયો સામે આવતા રાજકારણમાં ખળભળાટ

ગુજરાત(Gujarat): રાજ્યમાં વિધાનસભા ચુંટણી(Gujarat election 2022)ના પ્રથમ તબક્કાના પ્રચાર પડઘમ શાંત પડી ગયા છે અને ગઈકાલે પ્રથમ તબક્કાનું મતદાન યોજાવા જઈ રહ્યુ છે. મહત્વનું છે કે, પ્રથમ તબક્કામાં 89 બેઠકોનું મતદાન થશે. ત્યારે આ બધાની વચ્ચે એક મતદારોને રીજવવા માટે પૈસાની લ્હાણી કરતો એક વિડીયો(Video) ચુંટણી અગાઉ જ બહાર આવતા રાજકારણમાં ખળભળાટ મચી જવા પામ્યો છે.

પૈસાની લ્હાણી કરતો વિડીયો વાયરલ: 
મહત્વનું છે કે, ચૂંટણીમાં મતદારોને કેવી રીતે લાલચ અપાય છે તેનો પર્દાફાશ કરતો વિડીયો સામે આવતા હડકંપ મચી ગયો છે. આ વિડીયો બનાસકાંઠાના દાંતા વિસ્તારોનો હોવાનું કહેવામાં આવી રહ્યું છે. વિડીયોમાં તમે જોઈ શકો છો કે, અનેક લોકો લાઇનમાં બેઠા છે તો ભાજપનો ખેસ પહેરીને કેટલાક કાર્યકર્તાઓને રૂપિયાની વહેંચણી કરવામાં આવી રહી છે.

ઉલ્લેખનીય છે કે, દાંતા વિધાનસભામાં બીજા તબક્કામાં મતદાન થવાનું છે, એટલેકે અહીં પાંચમી ડિસેમ્બરે મતદાન થશે. મતદાન અગાઉ આ વાયરલ થયેલા વિડીયોએ ભારે ચર્ચા જગાવી દીધી છે. આ વિડીયો કોણે બનાવ્યો અને ખરેખર તે કાર્યકર્તાઓ ભાજપના હતા કે નહીં તે કહેવું મુશ્કેલ જણાઈ રહ્યું છે. આ વિડીયોની ત્રિશુલ ન્યુઝ પુષ્ટિ કરતું નથી.