ભારતીય સેનાથી ફફડી ઉઠ્યા આંતકીઓ- એક સાથે 3 આતંકવાદીઓને વીંધી નાખ્યા

જમ્મુ-કાશ્મીર(Jammu and Kashmir)ના બડગામ(Budgam) જિલ્લામાં ગુરુવારે સાંજે સુરક્ષાદળો અને આતંકવાદીઓ વચ્ચે અથડામણ થઈ હતી. સુરક્ષા દળોએ તેમની કાર્યવાહીમાં 3 આતંકીઓને ઠાર કર્યા છે. કાશ્મીર ઝોન પોલીસે ગુરુવારે સાંજે એન્કાઉન્ટર(Encounter) શરૂ થયાની માહિતી આપી હતી. હવે માહિતીમાં સામે આવ્યું છે કે સેનાએ 6 જાન્યુઆરીએ એક આતંકવાદી(Terrorist)ને ઠાર માર્યો હતો.

#UPDATE | Three terrorists neutralized in an encounter that broke out at the Zolwa Kralpora Chadoora area of Budgam. Identification & affiliation being ascertained. Incriminating materials including arms & ammunition recovered: IGP Kashmir pic.twitter.com/cNA303LTn3

— ANI (@ANI) January 7, 2022

આ પહેલા જમ્મુ-કાશ્મીરના કુલગામ વિસ્તારમાં સુરક્ષાદળો અને આતંકવાદીઓ વચ્ચે અથડામણ થઈ હતી. સુરક્ષા દળોએ આતંકીઓને આત્મસમર્પણ કરવાનું કહ્યું હતું. આ વાતને નકારીને તેણે સુરક્ષા દળોની ટુકડી પર ગોળીબાર કર્યો. જે બાદ એન્કાઉન્ટર શરૂ થયું હતું. મળતી માહિતી મુજબ, સુરક્ષા દળોને આ વિસ્તારમાં બે આતંકવાદીઓ છુપાયા હોવાની માહિતી મળી હતી. આ પછી સમગ્ર વિસ્તારને ઘેરી લઈને ઓપરેશન શરૂ કરવામાં આવ્યું હતું.

તમને જણાવી દઈએ કે સોમવારે શ્રીનગરની બહારના હરવનમાં સુરક્ષા દળો સાથેની બે અલગ-અલગ એન્કાઉન્ટરમાં પ્રતિબંધિત આતંકવાદી સંગઠન લશ્કર-એ-તૈયબા (LeT)ના કુખ્યાત અને વોન્ટેડ આતંકવાદી સલીમ પારે સહિત બે આતંકવાદીઓ માર્યા ગયા હતા. આ અંગે પોલીસને જાણ કરવામાં આવી હતી. કાશ્મીર ઝોનના પોલીસ મહાનિરીક્ષક વિજય કુમારે કહ્યું હતું કે, “પ્રતિબંધિત આતંકવાદી સંગઠન લશ્કર-એ-તૈયબાના કુખ્યાત આતંકવાદી સલીમ પારે શ્રીનગર પોલીસ દ્વારા એન્કાઉન્ટરમાં માર્યો ગયો હતો.”