અહિયાં થયું ‘આગનું તાંડવ’- કરોડોના નુકસાનની આશંકા

ભારતમાં અવાર નવાર આગ લાગતી હોય છે. ગઈકાલનાં રોજ રાતનાં સમયે રાજ્યનાં નાધેર પંથકમાં આવેલ માંગરોળ બંદરે નવી જેટી પંજાબ વિસ્તાર તરીકે ઓળખાય રહેલા બંદર પર લાંગરેલી 2 બોટમાં આગ લાગી હતી. થોડા જ સમયમાં આ આગની ઝપટમાં આસપાસમાં રહેલી બોટ પણ આવી ગઈ હતી તેમજ તેનાં લીધે આગનાં મુવી દૃશ્યો સર્જાઈ ગયા હતા.

આ આગને લીધે બાજુમાં રહેલી 3 બોટમાં આગ લાગી જતા 5 બોટો આગની ઝપટમાં લેવાય ગઈ હતી. બેકાબૂ થયેલી આગને ફાયર બ્રિગેડની મદદ મળે તે અગાઉ જ ત્યાંની 5 બોટમાંથી 2 બોટ બળીને ખાખ થઇ હતી.  ત્યાંનાં સ્થાનિકોએ આગને કાબુમાં લેવવા માટેના પ્રયાસો ચાલુ કર્યા હતા પરંતુ આગ બેકાબુ બની ગઈ હતી.

પંજાબ જેટી વિસ્તારમાં પાર્કિંગમાં મુકવામાં આવેલી બોટોમાં અચાનક જ આગ લાગી જતા ઘણું નુકસાન થયું છે. આગ વિશે ખારવા સમાજનાં અગ્રણી વેલજીભાઈ મસાણી દ્વારા કહેવામાં આવ્યું હતું કે ‘આ આગ મોડી રાતના સમયે કાબૂમાં આવી ગઈ હતી. માંગરોળ સિવાય, ચોરવાડ, વેરાવળ ફાયરબ્રિગેડ સંયુક્ત ઑપરેનશ હાથધરીને મોટી નુકસાની બચાવવામાં આવી છે.

જો સમયસર આગ કાબૂમાં લાવવામાં ન આવી હોત તો 500 જેટલી બોટ આ આગની ઝપટમાં આવી જાત’. મસાણીનાં કહ્યા અનુસાર આ નુકસાનીમાં ત્રણ બોટો એકદમ બળીને ખાક થઈ ગઈ છે જ્યારે બે બોટમાં મોટું નુકસાન થયું છે. આગનાં ધુમાડા દૂર દૂર સુધી દેખાયા હતા. પાલીકા ફાયર ફાઈટર તેમજ યુવાનોએ આગને કાબુમાં લેવા માટેનો પ્રયાસ કર્યો હતો.