November 02, 2024
પઠાણ (Pathaan) ફિલ્મે બોક્સ ઓફિસ પર ધૂમ મચાવી છે. બમ્પર ઓપનિંગ બાદ પઠાણે બીજા દિવસે પણ ધમાકેદાર કલેક્શન કર્યું હતું. કંગના રનૌતે (Kangana Ranaut) પણ પઠાણની પ્રશંસા કરી હતી. પરંતુ હવે Pathaan ની બોક્સ ઓફિસ પરની સફળતા પર કંગના રનૌતનું ટ્વિટ સામે આવ્યું છે. જ્યાં કંગનાએ સ્પષ્ટ લખ્યું હતું કે, અંતે અહીં માત્ર જય શ્રી રામ ગુંજે છે.
Kangana Ranaut એ શું લખ્યું?
કંગના રનૌતે ટ્વીટ કરીને લખ્યું કે, જેઓ Pathaan ને નફરત પર જીતનો દાવો કરવા કહે છે તેમની સાથે હું સંમત છું, પરંતુ કોના પ્રેમ પર કોની નફરત? ટિકિટ કોણ ખરીદી રહ્યું છે અને કોણ તેને સફળ બનાવી રહ્યું છે? હા, આ ભારતનો પ્રેમ છે, જ્યાં 80 ટકા હિંદુઓ રહે છે અને છતાં પઠાણ નામની ફિલ્મ, જેમાં આપણા દુશ્મન દેશ પાકિસ્તાન અને ISIને સારી રીતે દર્શાવવામાં આવી છે, તે ફિલ્મ સફળતાપૂર્વક ચાલી રહી છે. આ ભારતની ભાવના છે. કોઈપણ દ્વેષ કે નિર્ણય વિના, તે જ દેશને મહાન બનાવે છે. આ ભારતનો પ્રેમ છે જેણે દુશ્મનોની નફરત અને મામૂલી રાજનીતિ પર જીત મેળવી છે.
Trending News
Kangana Ranaut એ કેમ કહ્યું- માત્ર શ્રીરામ જ ગુંજશે
કંગના રનૌત આગળ લખે છે કે, પણ એ બધા લોકો માટે જેમને ઘણી આશાઓ છે… Pathaan માત્ર એક ફિલ્મ બની શકે છે… ગુંજેગા તો યહાં સિર્ફ જય શ્રી રામ… જય શ્રી રામ. અભિનેત્રીએ તેના ટ્વીટમાં પઠાણ માટે યોગ્ય નામ પણ સૂચવ્યું હતું. તેમના મતે ફિલ્મનું નામ ભારતીય પઠાણ હોવું જોઈતું હતું. કંગનાએ લખ્યું- મને ખાતરી છે કે, ભારતના મુસ્લિમો દેશભક્ત છે અને અફઘાન પઠાણોથી અલગ છે. ભારત ક્યારેય અફઘાનિસ્તાન બની શકે નહીં. આપણે બધા જાણીએ છીએ કે અફઘાનિસ્તાનમાં શું થઈ રહ્યું છે, તે નરકની પણ પર છે. તેથી, તેની સ્ટોરીલાઇન મુજબ, ફિલ્મ પઠાણનું સાચું નામ ભારતીય પઠાણ હશે.
Pathaan ફિલ્મે બોક્સ ઓફિસ પર મચાવી તબાહી:
પઠાણના બોક્સ ઓફિસ કલેક્શનની વાત કરીએ તો તેની નોનસ્ટોપ કમાણી ચાલુ છે. આ ફિલ્મ હાઈએસ્ટ ઈન્ડિયન ઓપનર ફિલ્મ બની ગઈ છે. પઠાણે KGF 2 નો રેકોર્ડ તોડ્યો છે. પઠાણે શરૂઆતના દિવસ કરતાં બીજા દિવસે વધુ કમાણી કરી હતી. હિન્દી વર્ઝને પહેલા દિવસે 55 કરોડ અને બીજા દિવસે 70 કરોડની કમાણી કરી હતી. પઠાણે 2 દિવસમાં 120 કરોડનો આંકડો પાર કર્યો છે. પઠાણનું સુપરહિટ થવું કિંગ ખાન અને તેના ચાહકો માટે કોઈ ટ્રીટથી ઓછું નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.