હાથ વગરના બાળકે મોમાં પેન્સિલ પકડીને બનાવ્યું સોનું સુદનું ચિત્ર, જુઓ વિડીયો

કોરોનાકાળમાં ઘણાં લોકોને પોતાની નોકરી ગુમાવવાનો તો કેટલાંક લોકોને આપઘાત કરવાનો વારો આવ્યો છે ત્યારે આવા કપરાં સમયમાં અનેક જરૂરિયાતમંદ લોકોની મદદ કરવાં માટે પ્રખ્યાત અભિનેતા સોનુ સુદ મસીહા બનીને સામે આવ્યો છે. આની સાથે જ સોશિયલ મીડિયા પર ખુબ એક્ટિવ રહે છે.

લોકોની મદદ કરવાં માટે સતત આગળ રહેતો હોય છે તથા લોકો પણ તેની પ્રશંસા કરતાં થાકતા નથી તેમજ પોતાનાં અંદાજમાં ભાવનાઓ વ્યક્ત કરતાં હોય છે. આવા સમયમાં સોશિયલ મીડિયા પર સોનૂ સૂદ દ્વારા એક વીડિયો શેર કરવામાં આવ્યો છે કે, જેને જોયા પછી તે ભાવૂક થઇ ગયો છે.

આ વીડિયોમાં એક દિવ્યાંગ બાળક પોતાના મોંથી પેઇન્ટ બ્રશ પકડીને સોનૂ સૂદનું ચિત્ર બનાવી રહ્યો છે. સોનૂ સૂદ દ્વારા તેનાં ઇન્સ્ટાગ્રામ પેજ પર એક વીડિયો શેર કરવામાં આવ્યો છે. બાળકોની ધગશ જોયા પછી તેની ભાવનાઓ વ્યક્ત કરી રહ્યો છે. વીડિયો શેર કરતાં જણાવે છે કે, હૃદય સ્પર્શી, આપની સાથે  ખુબ ઝડપથી જ મુલાકાત થશે પ્રેમાળ બાળક.

સોનૂ સૂદનો આ અંદાજ તેનાં ફેન્સને ખુબ પસંદ આવી રહ્યો છે. સોનૂની આ પોસ્ટ ખુબ ઝડપથી વાયરલ થઇ રહી છે. કમેન્ટ બોક્સમાં ફેન્સ જ્યાં આ બાળકોની વખાણ કરી રહ્યાં છે તો સોનૂ સૂદનાં પણ એટલાં જ વખાણ થઇ રહ્યાં છે. જેમાં આ માસૂમે એક અકસ્માતમાં તેનાં બંને હાથ-પગ ગુમાવી દીધા હતાં.