કર્ણાટકમાં ફરી આવ્યું નવું નાટક, યેદુરપ્પાની જગ્યાએ આ નેતાએ ભૂલમાં લઈ લીધા મુખ્યમંત્રી પદના શપથ

કર્ણાટકમાં મંગળવારે એક હેરાન કરી દે તેવો નજારો સામે આવ્યો છે. એ વખતે બધા જ હેરાન રહી ગયા જ્યારે બીજેપી મંત્રીએ જ મુખ્ય મંત્રી પદની શપથ લીધી અને યેદુરપ્પા જોતા રહી ગયા. મંગળવારે યેદુરપ્પાના નેતૃત્વવાળી ભાજપા સરકારના મંત્રીઓને પદ અને ગોપનીયતાના શપથ લીધા હતી. આ દરમિયાન એક મંત્રી પોતે જ મુખ્યમંત્રી બની બેઠા.

થયું કઈ એવું કે જ્યારે ભાજપા નેતા અને ધારાસભ્ય મધુ સ્વામી પદ અને ગોપનીયતાની શપથ લઈ રહ્યા હતા ત્યારે તેમણે ભૂલથી મુખ્યમંત્રી તરીકેના શપથ લઈ લીધા.

મધુ સ્વામી જ્યારે શપથ લઈ રહ્યા હતા ત્યારે તેમને મંત્રી બોલવાનું હતું પરંતુ તેમની જીભ લપસી પડી અને તેઓ મુખ્યમંત્રી બોલી ગયા. આ દરમિયાન સીએમ યેદુરપ્પા ના પ્રતિભાવ ખુબ જ મજેદાર હતા. તેઓ પોતાના મંત્રીની આ ભૂલ પર હસી પડ્યા. ત્યારબાદ તેમણે મધુ સ્વામીને ગળે મળ્યા.