November 24, 2024
સુરત(Surat): કતારગામ(Katargam)માં યુવતી પર દુષ્કર્મ આચર્યું હોવાનો વીડિયો વાયરલ(Viral videos) થતાં 3 યુવકની ધરપકડ કરવામાં આવી છે. કતારગામમાં રહેતા દીકરીના પિતાને 4 દિવસ અગાઉ એક સંબંધીએ ફોન કરી ને કહ્યું હતું કે, તમારી દીકરીનો અભદ્ર વીડિયો(Indecent video) વાઈરલ થયો છે. જે વીડિયો દીકરીના પિતાને મોકલીને કહ્યું છે કે, તમે તે વીડિયો ન જોતાં તમારી પત્નીને દેખાડજો. દીકરીના પિતાની પત્નીએ જ્યારે આ વીડિયો જોયો ત્યારે તે ચોંકી ઉઠી હતી. આ બીભત્સ વીડિયો 15 વર્ષીય દીકરી પર દુષ્કર્મ આચર્યું હોવાનો હતો. માતા-પિતાએ દીકરીને પૂછતાં તેણે કહ્યું કે, 2 વર્ષ પહેલાં સચીન ભરત કુકડિયા સાથે સોશિયલ મીડિયા(Social media) દ્વારા મિત્રતા થઈ હતી.
સચીને મને મળવા બોલાવતા હું ગઈ હતી ત્યારે સચીન મને તેના મિત્ર કિશન ડાભીની બાઇક પર સરથાણા નાકા નજીક અવધ વાઇસરોયમાં આવેલ ધ હર્ટ ટુ હર્ટ કાફેમાં લઈ ગયો હતો. ત્યાર બાદ કિશન ત્યાંથી જતો રહ્યો હતો. સચીને મારી સાથે સંબંધ બાંધ્યો હતો.
Trending News
સચીનનો મિત્ર વૈભવ બગદરીયાએ કિશોરીને મેસેજ કરીને કહ્યું હતું કે, તારો અને સચીનનો વીડિયો સચીને મને મોકલ્યો છે. તું મારી ફ્રેન્ડ નહી બને તો વીડિયો સોશિયલ મીડિયામાં વાયરલ કરી દઈશ. આ સમગ્ર બનાવ અંગે પિતાએ સચીન કુકડીયા (રહે. નંદનવન સોસાયટી, કતારગામ), કિશન ડાભી (રહે. મણીપાર્ક સોસાયટી, કતારગામ) અને વૈભવ બગદરિયા (રહે. ભગુનગર સોસાયટી, કતારગામ) વિરુદ્ધ ફરિયાદ દાખલ કરાવી હતી. પોલીસે 18 વર્ષના સચીન, 19 વર્ષના કિશન અને વૈભવની ધરપકડ કરી છે અને આગળની કાર્યવાહી હાથ ધરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.