November 28, 2024
અભિનેત્રી તુનીષા શર્મા(Tunisha Sharma)ના મોતને કારણે તેમના ચાહકો આઘાતમાં સરી પડ્યા છે. તુનિષાએ તેના શોના સેટ પર ગળેફાંસો ખાઈને જીવનનો અંત આણ્યો હતો. તુનિષાના મૃત્યુ બાદ મનોરંજનની દુનિયામાં શોકની લાગણી છવાઈ ગઈ છે. ત્યારે ઘટના બાદ તુનિષાના પરિવારજનોએ તુનિષાના કો-સ્ટાર અને એક્સ બોયફ્રેન્ડ શીઝાન મોહમ્મદ ખાન પર ગંભીર આરોપ લગાવ્યા છે. તેઓએ પોલીસને જણાવ્યું છે કે તુનિષાએ શીઝાનના કારણે આપઘાત કરી લીધો છે.
View this post on Instagram
આ અંગે તુનિષાની માતાએ જણાવ્યું કે, શીઝાન સતત એવી વાતો કહેતો હતો કે શ્રદ્ધા વોકરની હત્યા બાદ દેશમાં વાતાવરણ સારું નથી, તેમનો ધર્મ અલગ-અલગ છે, જેના કારણે તેમના સંબંધો ટકી શકશે નહિ. તેથી તેઓએ બ્રેકઅપ કરી લીધું હતું. ત્યારે શીઝાન સાથે બ્રેકઅપ થતા તુનિષા ખૂબ જ તણાવમાં રહેવા લાગી હતી, જેના કારણે તેણે આપઘાત કરી લીધો હતો. ત્યારે આ અંગે તુનિષાના પરિવારજનોની ફરિયાદના આધારે પોલીસ દ્વારા તપાસ હાથ ધરવામાં આવી છે.
Trending News
તુનિષાના પરિવાર વિશે વાત કરીએ તો, તેના પિતાનું પહેલા જ નિધન થઇ ગયુ છે અને તે તેની માતાનો એકમાત્ર સહારો હતી. ત્યારે હવે તેના જવાથી તેમની આવકનો કોઈ સ્ત્રોત રહ્યો નથી. તુનિષાએ નાની ઉંમરમાં જ મોટું પદ હાંસલ કર્યું હતું. એક્ટિંગ સિવાય તે એક શાનદાર ડાન્સર પણ હતી. ટીવી સિવાય અભિનેત્રીએ સિલ્વર સ્ક્રીન પર પણ પોતાની હાજરીનો અહેસાસ કરાવ્યો હતો..
View this post on Instagram
ત્યારે તેના કામ વિશે વાત કરીએ તો, તુનિષાએ ટીવી સીરિયલ ‘ભારત કા વીર પુત્ર – મહારાણા પ્રતાપ’ થી અભિનયની શરૂઆત કરી હતી. આ પછી તેણે ‘કહાની 2’, ‘દબંગ 3’, ‘ફિતૂર’, ‘બાર બાર દેખો’ જેવી ફિલ્મોમાં અભિનય કૌશલ્ય બતાવ્યું છે. આ સફળ કારકિર્દી વચ્ચે, તુનિષાએ મોટી રકમ એકઠી કરી હતી. મીડિયા રિપોર્ટ્સ અનુસાર, તુનિષા શર્મા પાસે 15 કરોડની સંપત્તિ છે.
આ ઉપરાંત તેની પાસે કરોડોની કિંમતનો આલીશાન એપાર્ટમેન્ટ છે તેમજ ઘણી લક્ઝરી કાર પણ છે. તે પોતાની મહેનતથી માત્ર 20 વર્ષની ઉંમરે જ કરોડોની સંપત્તિની માલકિન બની ગઇ હતી. જો કે તે તેની ખુશીનો આનંદ માણી શકી નહિ અને ચાલી ગઇ. આ દરમિયાન જાણવા મળ્યું છે કે, અભિનેત્રીનું અંગત જીવન બરાબર ચાલી રહ્યું નહોતું અને તેનું તેની મોતના 15 દિવસ પહેલા જ બોયફ્રેન્ડ શીઝાન સાથે બ્રેકઅપ થયુ હતું.
View this post on Instagram
મીડિયા અહેવાલો અનુસાર, શીઝાને તુનિષાને વચન આપ્યું હતું કે તે તેની સાથે લગ્ન કરશે, પરંતુ તેણે પોતાનો નિર્ણય બદલી નાખ્યો હતો. જેને પગલે તુનીષા તણાવમાં રહેવા લાગી હતી. ત્યારે પોલીસ દ્વારા તુનીષાના કો-સ્ટાર શીઝાન ખાનનો મોબાઈલ ફોન જપ્ત કરવામાં આવ્યો છે, આ ઉપરાંત તેણે ઘટનાના દિવસે જે કપડા પહેર્યા હતા તે પણ જપ્ત કરાયા છે. તેમજ પોલીસે શનિવારે જે લોકો સેટ પર હાજર રહ્યા હતા તેમના નિવેદન પણ નોંધ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.