BJP ના લોકસભા ઉમેદવાર વિરુદ્ધ 17 વર્ષની યુવતીની છેડતી કરવાની ફરિયાદ નોંધાઈ, જાણો સમગ્ર મામલો

પશ્ચિમ બંગાળના ડાયમન્ડ હાર્બર લોકસભા સીટ થી ભાજપના ઉમેદવાર ની નીલંજય રોય પર 17 વર્ષ ની છોકરી સાથે છેડતી કરવાના આરોપમાં એફઆઈઆર નોંધવામાં આવી છે. એનડીટીવીના રિપોર્ટ અનુસાર આ ઉમેદવાર પર ગયા મહિને ૧૭ વર્ષની એક નાબાલીક છોકરી પર યૌન ઉત્પીડનનો આરોપ છે. આ ઘટના એ સમયની છે જ્યારે આ એવું તે પોતાના પિતા સાથે તેમને મળવા ગઈ હતી.

નીલંજય રોય પર પોક્સો એક્ટ હેઠળ ફરિયાદ નોંધવામાં આવી છે. આ ઘટના 26 એપ્રિલ ની છે અને તેના બીજા જ દિવસે આ બાબતે ફરિયાદ નોંધાવવામાં આવી હતી. બાળ અધિકારોની સુરક્ષા માટે પશ્ચિમ બંગાળ બાળ અધિકાર સંરક્ષણ આયોગ ની અધ્યક્ષ અનન્યા ચેટર્જી ચક્રવર્તીએ કહ્યું કે, રાજ્યના બાળ અધિકાર સંગઠન પાસે આવેલી વિગતો અનુસાર આ બાબતે પાલતા પોલીસ સ્ટેશનમાં ફરિયાદ નોંધાવવામાં આવી છે. યુવતીની મેડિકલ તપાસ કરવામાં આવી છે અને તેનું નિવેદન પણ નોંધવામાં આવ્યું છે. પરંતુ પોલીસે હજી સુધી નીલંજય રોયની ધરપકડ કરી નથી.

ચક્રવર્તીએ વધુમાં કહ્યું કે તેમને શુક્રવારે આ ઘટના વિશે જાણ થઈ ત્યારે તરત જ ચૂંટણીપંચને આ ઉમેદવારની ધરપકડ કરવા માટે પત્ર લખ્યો છે. ચક્રવર્તી એ જણાવ્યું છે કે તેમણે અને તેમના સહયોગીઓએ પીડિતાના ઘરે જઈને તેની સાથે મુલાકાત પણ કરી છે.