ભગવાન રામ શાકાહારી નહિ પરંતુ માંસાહારી હતા, 14 વર્ષ જંગલમાં…- NCP નેતાનું વિવાદિત નિવેદન

NCP leader Controversial Statement: આજે આપણા લોકશાહી દેશમાં આપણે આપણા નેતાની પસંદગી કરવાનો અધિકાર છે. તેમજ નેતાઓને પ્રજાના સેવક ગણવામાં આવે છે.પરંતુ અમુકવાર પ્રજાના સેવક જ પોતાની પ્રજાને ગેરમાર્ગે દોરી જાઈ તેવા નિવેદનો સામે આવે છે.ત્યારે આજે રોજ એનસીપી શરદ પવાર જૂથના ધારાસભ્ય અને પૂર્વ મંત્રી જિતેન્દ્ર આવ્હાડે એક વિવાદાસ્પદ નિવેદન( NCP leader Controversial Statement ) આપ્યું છે, જેમાં તેમણે ભગવાન રામને માંસાહારી કહ્યા છે.તેમના નિવેદન સામે વિરોધ ઉગ્ર બન્યો છે. ભાજપ અને હિન્દુ સંગઠનોએ તેનો વિરોધ કર્યો છે.

રામ શાકાહારી નહિ પણ માંસાહારી હતા
શરદ પવાર જૂથના NCP નેતા જીતેન્દ્ર આવ્હાડે ભગવાન રામને લઈને વિવાદિત નિવેદન આપ્યું છે. જીતેન્દ્ર આવ્હાડે વિવાદાસ્પદ નિવેદન આપતા કહ્યું કે રામ અમારા છે અને તે બહુજન છે. રામ શાકાહારી નહિ પણ માંસાહારી હતા. તેઓ શિકાર કરીને ખાતા હતા. હવે તેમના નિવેદનને લઈને ભાજપના નેતાઓમાં નારાજગી જોવા મળી છે. અજિત જૂથના NCP કાર્યકર્તાઓએ મુંબઈમાં આવ્હાદ વિરુદ્ધ વિરોધ પ્રદર્શન કર્યું હતું. જેના આધારે પોલીસે તેને કસ્ટડીમાં લીધો હતો.

14 વર્ષ સુધી જંગલમાં રહેનાર વ્યક્તિ શાકાહારી ખોરાકની શોધમાં ક્યાં જશે?
વાસ્તવમાં જિતેન્દ્ર આવ્હાડે કહ્યું કે રામ અમારા છે, બહુજનના છે. રામ શિકાર કરીને ખાતા હતા. તમે ઈચ્છો છો કે અમે શાકાહારી બનીએ, પણ અમે રામને અમારી મૂર્તિ માનીએ છીએ અને મટન ખાઈએ છીએ. આ રામનો આદર્શ છે. 14 વર્ષ સુધી જંગલમાં રહેનાર વ્યક્તિ શાકાહારી ખોરાકની શોધમાં ક્યાં જશે? આ સાચું છે કે ખોટું? હું હંમેશા સાચો છું.આ સિવાય NCP નેતાએ મહાત્મા ગાંધીને લઈને પણ વિવાદિત નિવેદન આપ્યું છે. તેમણે કહ્યું કે મહાત્મા ગાંધીની હત્યા પાછળનું સાચું કારણ જાતિવાદ હતું કારણ કે તેઓ ઓબીસી હતા અને આ લોકો એ સહન કરી શકતા નથી કે તેઓ આટલા મોટા નેતા બન્યા.

NCP નેતાએ કહ્યું- હું નિવેદન પર અડગ છું
એનસીપીના નેતાએ પણ નિવેદન અંગે સફાઈ આપી છે. તેણે કહ્યું કે ત્યારે ચોખા નહોતા, ત્યારે અમે શું ખાધું? રાજા અને રામ ક્ષત્રિય હતા, તેથી ક્ષત્રિયનું ભોજન માંસાહારી છે. આમાં વિવાદ શું છે? રામનો ખોરાક શું હતો, કોઈ મને કહી શકે કે રામ મેથીની ભાજી ખાતા હતા. હું સંપૂર્ણપણે નિવેદન પર અડગ છું. શું તમે ભારતને શાકાહારી બનાવવા માંગો છો? આજે પણ આ દેશના 80 ટકા લોકો માંસાહારી છે.