આ શહેરમાં અચાનક ગાયબ થઇ ગયા કોરોનાના હજારો દર્દીઓ- જાણો વિગતે

હાલમાં સમગ્ર દેશમાં કોરોના વાઈરસ હાહાકાર મચાવી રહ્યો છે. ત્યારે ઉત્તર પ્રદેશના લખનઉના એક આશ્ચર્યજનક કિસ્સો પ્રકાશમાં આવ્યો છે. પોલીસ પાસેથી મળતી માહિતી અનુસાર, 2290 લોકો કે જેમણે ખોટા સરનામું અને ફોન નંબર કહીને કોરોના તપાસ કરી છે તે કોરોના પોઝિટિવ છે. તપાસમાં અત્યાર સુધીમાં 1171 લોકોની ઓળખ કરવામાં આવી છે. તેમની સંખ્યા અને સરનામું બધા ખોટા છે. લખનૌ પોલીસે આ લોકો પર કાર્યવાહી કરવાની તૈયારી શરૂ કરી દીધી છે.

માહિતી અનુસાર, લખનૌ કમિશનરેટ દ્વારા એક સંકલિત કોવિડ-19 કમાન્ડ એન્ડ કંટ્રોલ સેન્ટર બનાવવામાં આવ્યું હતું જેમાં સર્વેલન્સની મદદથી કોરોના ચેપના દર્દીઓની ઓળખ અને ઇતિહાસ નોંધવામાં આવ્યો હતો. આ જ ક્રમમાં, 23 જુલાઈથી 31 જુલાઇ દરમિયાન કરવામાં આવેલી તપાસમાં 2290 લોકો પોજીટીવ જોવા મળ્યા હતા. જ્યારે વહીવટી તંત્રે તેમનો નંબર અને સરનામે તપાસ્યા ત્યારે જાણવા મળ્યું કે, અહીં ખોટી માહિતી આપવામાં આવી છે. એટલે કે આ લોકોએ પોલીસને ખોટી માહિતી આપી હતી.

પોલીસે તપાસમાં આવા 1171 લોકોની ઓળખ કરી છે. આવા લોકોને નિશાન બનાવીને કાર્યવાહી કરવામાં આવી રહી છે અને બાકીના લોકોની પણ ઓળખ કરવામાં આવી રહી છે. પોલીસના જણાવ્યા મુજબ, કોરોના ચેપ લાગ્યો હોય તેવા લોકોના સંપર્કમાં કોણ આવ્યા છે તેની તપાસ માટે એક સેલ બનાવવામાં આવ્યો છે. તપાસ દરમિયાન જાણવા મળ્યું કે, કોરોનાની તપાસ માટે આવતા લોકો તેમની ઓળખ છુપાવતા હતા. એટલું જ નહીં, લોકોએ ખોટા મોબાઇલ નંબર પણ નોંધાવ્યા છે.

કેસની ગંભીરતાને ધ્યાનમાં લઈને કોરોના સેલે તપાસ શરૂ કરી હતી. ઈન્ટિગ્રેટેડ કોવિડ-19 કમાન્ડ એન્ડ કંટ્રોલ સેન્ટરના ઈ-મેલ દ્વારા જે સૂચિ ઉપલબ્ધ કરાઈ હતી, તેમાં 23 જુલાઈથી 31 જુલાઇ સુધીના કુલ 2290 ચેપગ્રસ્ત લોકોનો સમાવેશ કરવામાં આવ્યો છે. આ તમામની વિગતો ખોટી હતી. પોલીસે આવા 1171 લોકોની શોધ કરી છે, જ્યારે પોલીસ અન્ય માધ્યમથી 1119 ચેપગ્રસ્ત લોકોની માહિતી એકઠી કરી રહી છે.