સાબરમતી જેલમાં પણ માફિયા અતીક અહેમદ કરી રહ્યો હતો એવા કારસ્તાન કે… -EDને દરોડામાં મળ્યા ચોંકાવનારા દસ્તાવેજો

માફિયા અતીક અહેમદ(atiq ahmed) અને તેના ભાઈ અશરફને પ્રયાગરાજમાં લાવતા પહેલા આજે સવારે EDએ અતીકના ડઝનબંધ નજીકના મિત્રોના ઘર અને ઓફિસ પર દરોડા પાડ્યા હતા. સાબરમતી જેલમાં હતો તે દરમ્યાન માહિતી મળી હતી. જેના આધારે ED અધિકારીઓએ સંપત્તિના દસ્તાવેજો અને જમીનની ખરીદી અને વેચાણ સાથે સંબંધિત દસ્તાવેજો કબજે કર્યા છે. EDની અલગ-અલગ ટીમોએ એક સાથે અતીકના નજીકના મિત્રોના ઘરો પર દરોડા પાડ્યા હતા. ED અતીકના વકીલ સૌલત હનીફ, અતીકના નજીકના બિલ્ડર ખાલિદ ઝફર, અતીકના એકાઉન્ટન્ટ સીતા રામ શુક્લા સહિત ડઝનબંધ લોકોના ઘરોની તપાસ કરી રહી છે.

સૂત્રોના જણાવ્યા અનુસાર, સૌલત હનીફના ઘરેથી આવા ઘણા કાગળો મળી આવ્યા છે, જેમાં અતીકની પત્ની શાઇસ્તાના નામે ઘણી મોટી પ્રોપર્ટી મળી આવી છે. આ ઉપરાંત અતીકના એકાઉન્ટન્ટ પાસેથી મળી આવેલા દસ્તાવેજોમાં અતીક અને તેના સંબંધીના નામે કેટલીક મિલકતો ઉપરાંત એવા દસ્તાવેજો મળી આવ્યા છે, જે સ્પષ્ટપણે દર્શાવે છે કે, અતીકના નામે અનેક મોટા ઉદ્યોગપતિઓ અને રિયલ એસ્ટેટના ધંધામાં અન્યના નામે મોટી રકમ લગાવી હતી.

રિયલ એસ્ટેટ, હોસ્પિટલો અને પરિવહનમાં ભાગીદારો
જોકે, EDની કાર્યવાહી હજુ ચાલુ છે. EDએ ઘણા દસ્તાવેજો કબજે લીધા છે. સૂત્રોના જણાવ્યા અનુસાર, કેટલાક દસ્તાવેજો પણ મળી આવ્યા છે જે દર્શાવે છે કે અતીક ગુપ્ત રીતે રિયલ એસ્ટેટ અને હોસ્પિટલ અને ટ્રાન્સપોર્ટમાં ભાગીદાર બની ગયો હતો અને તેની પત્ની શાઇસ્તા હજુ પણ કરોડોની સંપત્તિની માલિક હતી.

અતીકની વકીલાત કરનાર કોઈ નથી
બીજી તરફ અતીકની બહેન અને ભત્રીજીને આરોપી બનાવ્યા બાદ અશરફની પત્ની ઝૈનબ ફાતિમા પર પણ ધૂમન ગંજ પોલીસે ઉમેશ પાલ હત્યા કેસમાં કાવતરાનો આરોપ લગાવ્યો છે. પોલીસ તેની શોધમાં અશરફના હટવા ખાતેના સાસરિયાના ઘરે પણ ગઈ હતી, પરંતુ તે પહેલા જ ફરાર થઈ ગયો હતો.