લગ્નમાંથી પરત ફરી રહેલી બસને નડ્યો ગોઝારો અકસ્માત, કન્ટેનરની જોરદાર ટક્કરથી એક સાથે 10 જાનૈયા…

છત્તીસગઢ(Chhattisgarh)ના રાયગઢ(Raigarh)માં એક દર્દનાક માર્ગ અકસ્માત(Accident) થયો છે. રાયગઢના ખોપોલી ખાતે ખાનગી બસ અને કન્ટેનર વચ્ચેની અથડામણમાં એક વ્યક્તિનું મોત થયું હતું અને ઓછામાં ઓછા 10 મુસાફરો ઘાયલ થયા હતા. જણાવવામાં આવી રહ્યું છે કે બસ લગ્ન સમારોહમાંથી પરત ફરી રહી હતી ત્યારે આ અકસ્માત થયો હતો.

Maharashtra | One dead, 10 injured in a collision between a private bus and a container vehicle in Khopoli of Raigad. The bus was returning from a wedding ceremony and was carrying 35 passengers: Raigad Police pic.twitter.com/HYaPZY3NO7

— ANI (@ANI) December 19, 2022

અકસ્માત અંગે માહિતી આપતા પોલીસે જણાવ્યું કે, બસ લગ્ન સમારોહમાંથી પરત ફરી રહી હતી. આ બસમાં 35 મુસાફરો હતા. જેમાંથી ઓછામાં ઓછા 10 મુસાફરો ઘાયલ થયા છે, જેમને સારવાર માટે હોસ્પિટલમાં દાખલ કરવામાં આવ્યા છે. તે જ સમયે, આ અકસ્માતમાં બસ ડ્રાઇવરનું મોત નીપજ્યું હતું.

બસ ડ્રાઈવરનું ઘટનાસ્થળે જ મોત:
બસ અને કન્ટેનર વાહન વચ્ચેની ટક્કર એટલી જોરદાર હતી કે બસ ચાલક બસમાંથી બહાર ફેંકાઈ ગયો હતો અને કન્ટેનરની નીચે આવી જતાં તેનું ઘટનાસ્થળે જ મોત થયું હતું. આ અકસ્માતમાં 10 મુસાફરો ગંભીર રીતે ઘાયલ થયા હતા, જેમને નજીકની MGM હોસ્પિટલમાં સારવાર આપવામાં આવી રહી છે. અકસ્માતમાં કન્ટેનરનો આગળનો ભાગ સંપૂર્ણ રીતે વેરવિખેર થઈ ગયો હતો અને કન્ટેનર ચાલકને પણ ગંભીર ઈજા થઈ હતી. આ બતાવે છે કે અકસ્માત કેટલો ભયંકર હતો.