જયશ્રી રામના નારા સાથે અતીક અને તેના ભાઈ અશરફ પર વરસાવી ગોળીઓ- જાણો કોણ છે આ હત્યારાઓ

Atique Ahmed Murder: ઉત્તર પ્રદેશ(UP)ના માફિયા અતીક અહેમદ(Atique Ahmed) અને તેના ભાઈ અશરફ(Ashraf)ની ત્રણ વ્યક્તિઓએ ગોળી મારીને હત્યા કરી નાખી છે. આ ઘટના બાદ સમગ્ર પ્રયાગરાજ(Prayagraj)માં હાઈ એલર્ટ જાહેર કરવામાં આવ્યું છે અને કેટલાક વિસ્તારોમાં કલમ 144 લાગુ કરવામાં આવી છે. કહેવામાં આવી રહ્યું છે કે, અતીક અને અશરફ પર ફાયરિંગ કરનારા આરોપીઓએ સરેન્ડર કર્યું હતું.

Atiq Ahmed નું પણ યુપી પોલીસે કર્યું એન્કાઉન્ટર? અતિક થયો ઠાર, જુઓ લાશની હાલત

મહત્વનું છે કે, મેડિકલ કોલેજ બહાર ત્રણ લોકોએ જયશ્રી રામના નારા લગાવતા અતીક અને તેના ભાઈ અશરફ પર ગોળીઓ વરસાવી દીધી હતી. પોલીસે તેમને પકડતાની સાથે જ પિસ્તોલ ફેંકી, ત્રણેય આરોપીઓએ કહ્યું, સરેન્ડર, સરેન્ડર અને પછી નારા લગાવ્યા. ધરપકડ કરાયેલા ત્રણ આરોપીઓની ઓળખ લવલેશ તિવારી, અરુણ મૌર્ય અને સની તરીકે થઈ છે. જણાવવાનું કે ત્રણેયએ સરેન્ડર કર્યું છે અને ત્રણેયને અલગ-અલગ પોલીસ સ્ટેશનમાં રાખવામાં આવ્યા છે.

મળતી માહિતી અનુસાર, અતીક અને અશરફ પર ગોળીબાર કરનારા ત્રણેય આરોપીઓ જૂનો ગુનાહિત ઈતિહાસ ધરાવી રહ્યા છે. આરોપીઓ સામે અગાઉ ક્યાં અને કેવા કેસ નોંધાયેલા છે તે અંગે પોલીસ દ્વારા તપાસ હાથ ધરવામાં આવી રહી છે. પૂછપરછ દરમિયાન આરોપીઓ જણાવતા કહ્યું હતું કે, તેઓ મોટા માફિયા બનવા માંગતા હતા, તેથી તેમણે આ ઘટનાને અંજામ આપ્યો. આરોપીએ વધુમાં કહ્યું, ‘નાના શૂટર્સ ક્યાં સુધી રહીશું, મોટા માફિયા બનવા માંગતા હતા તેથી જ ઘટનાને અંજામ આપ્યો હતો.’ જોકે, પોલીસને હજુ તેમના નિવેદનો પર પૂરેપૂરો વિશ્વાસ નથી, કારણ કે ત્રણેયના નિવેદનમાં વિરોધાભાસ છે અને તપાસ હાલમાં શરુ છે.