સોશીયલ મીડિયાના માધ્યમથી સેકંડો નિરાધાર પરિવારોના ચેહરા પર સ્મિત લાવનાર મહેશભુવાએ શરુ કર્યું ‘હેલ્પીંગ ચેરીટેબલ ટ્રસ્ટ’

સુરત(ગુજરાત): ફેસબુકથી અનેક નિરાધાર પરિવારોના ચેહરા પર સ્મિત લાવનાર મહેશભુવાએ અઢી કરોડ લાભાર્થીઓના બેંક અકાઉન્ટમાં સીધી મદદ કરી હતી અને નિરાધારો માટે સૌથી મોટા આધાર બની મહેશ ભુવાએ માનવતાની અનેરી મહેક સમાજમાં પ્રસરાવી છે.

તેમને એવા વ્યક્તિ અને જરૂરિયાતમંદ પરિવારની પોસ્ટ મૂકીને અત્યાર સુધી બે કરોડથી પણ વધુની રકમનું દાન એકત્ર કરીને પરિવારના ખાતા નંબર મૂકીને સીધી જ રકમ પરિવારના બેંક ખાતામાં જમા કરાવી છે. આ જ રીતે ભવિષ્યમાં પણ અનેક નિરાધારને સહાય મળી શકે તે માટે મહેશભુવા દ્વારા પોતાના જન્મદિને હેલ્પીંગ ચેરીટેબલ ટ્રસ્ટની સ્થાપના કરવામાં આવી છે.

સુરત શહેરમાં ફેસબુક પેજથી અનેકના ફેસ પર સ્મિત લાવનાર સોશિયલ મિડીયાથી નિરાધારનો આધાર બની અઢી કરોડની મદદ પહોચાડનાર મહેશભુવાએ આ ટ્રસ્ટની સ્થાપના કરી જે થકી નિરાધારનો આધાર બની ગરીબ પરિવારોને થતી આર્થિક મદદની જરૂરિયાત સંતોષી શકાશે.

તારીખ 7-6-2022 ને મંગળવારે 8:30 કલાકે હેલ્પીંગ ચેરીટેબલ ટ્રસ્ટની સ્થાપનાના સાક્ષી બનતા અનેક મહાનુભવો મૂળ સૌરાષ્ટ્રના અમરેલી જિલાના કુકાવાવ તાલુકાના અને વામવયના અને સુકલકડી કાયા ધરાવતા મહેશ ભુવાના ફેસબુકે અનેકોના ફેસ પર સ્મિત લાવી દીધું છે.