મહિન્દ્રાની ધાંસુ ઇલેક્ટ્રિક કાર આવી રહી છે માર્કેટમાં- એક્સપર્ટએ કહ્યું બજારમાં મચાવશે ધૂમ

મહિન્દ્રા 13 નવા વાહનો લૉન્ચ કરવાની તૈયારીમાં છે, જેમાંથી 8 માત્ર ઇલેક્ટ્રિક મોડલ(Electric model) હશે. આ મોડલ્સ 2027 સુધીમાં લોન્ચ થવાના છે. ઇલેક્ટ્રિક વાહનોમાં eKUV100 અને XUV700 જેવા વાહનોનો સમાવેશ થશે. હવે આ લિસ્ટમાં એક નવું નામ Mahindra XUV400 પણ જોડાયું છે. ઓટોકાર ઈન્ડિયાના એક અહેવાલ અનુસાર, મહિન્દ્રા ગ્રૂપના ઓટો અને ફાર્મ સેક્ટરના એક્ઝિક્યુટિવ ડિરેક્ટર રાજેશ જેજુરિકરે જણાવ્યું હતું કે, કંપની XUV300ના ઇલેક્ટ્રિક વર્ઝન માટે XUV400 નામનો ઉપયોગ કરી શકે છે. જોકે, તે અત્યારે ફાઈનલ નથી.

પહેલા એવું કહેવામાં આવી રહ્યું હતું કે, મહિન્દ્રા XUV400ના નામ પર એક મધ્યમ કદની SUV લાવી શકાય છે, જેને XUV300 અને XUV500 ની વચ્ચે મૂકવામાં આવશે. S204 નું કોડનેમ ધરાવતી, મધ્યમ કદની SUV ફોર્ડના B-પ્લેટફોર્મ પર બાંધવાની યોજના હતી, જે હ્યુન્ડાઇ ક્રેટા અને કિયા સેલ્ટોસ સાથે ટકરાશે. પરંતુ હવે ફોર્ડ અને મહિન્દ્રા વચ્ચેની ભાગીદારીના અંત સાથે, એવી અપેક્ષા રાખવામાં આવે છે કે XUV400 નામનો ઉપયોગ eXUV300 માટે કરવામાં આવશે.