November 23, 2024
હાલમાં એક વિડીયો સોશિયલ મીડિયા(Social media) પર ખુબ જ વાયરલ થઇ રહ્યો છે. આ વિડિયો જોયા પછી તમારો આત્મા ચોક્કસ કંપી જશે. આ વીડિયો(Viral videos)માં એક યુવક દોરડું બનાવીને સાપ પર કૂદતો જોવા મળી રહ્યો છે. વીડિયો મહારાષ્ટ્ર(Maharashtra)નો જણાવવામાં આવી રહ્યો છે. વિડિયો જોઈને તમારું લોહી ઉકળી જશે કે કેવી રીતે કોઈ વ્યક્તિ સાપને દોરડું બનાવીને કૂદી શકે છે.
View this post on Instagram
સાપને દોરડું બનાવીને કુદી રહ્યો છે:
વાયરલ થઈ રહેલા વીડિયોમાં તમે જોઈ શકો છો કે એક યુવકે એક હાથે જીવતા સાપનું મોં પકડ્યું છે અને બીજા હાથથી તેની પૂંછડી પકડી છે. આ પછી, તે દોરડું બનાવીને કૂદવાનું શરૂ કરે છે. વીડિયોમાં જોઈ શકાય છે કે યુવક ઘણી વખત સાપ પરથી દોરડું કૂદી રહ્યો છે. આ દરમિયાન તે ખૂબ જ મસ્તીથી હસી રહ્યો છે. ક્યારેક તેના પગ નીચે સાપ પણ આવી જાય છે. આના કારણે સાપને ઈજા થવાની પણ શક્યતા છે.
Trending News
આમ છતાં યુવકને સાપ પર દયા નથી આવતી અને દોરડું કૂદવાનું ચાલુ રાખે છે. ઘણા લોકો યુવકનો વીડિયો બનાવી રહ્યા છે અને હસતા સંભળાઈ રહ્યા છે. વીડિયો મુંબઈને અડીને આવેલા પાલઘરનો જણાવવામાં આવી રહ્યો છે. વીડિયો સામે આવ્યા બાદ સોશિયલ મીડિયા યુઝર્સ યુવક પર ગુસ્સો ઠાલવતા જોવા મળી રહ્યા છે.
યુવક સર્પમિત્ર હોય તેવું કહેવાય છે:
મીડિયા રિપોર્ટ અનુસાર, સાપની દોરડું બનાવીને કૂદનાર યુવક સર્પમિત્ર છે. જો કે, તેની આ હરકતો જોઈને, તેને બિલકુલ અવગણી શકાય નહીં. ઘણા લોકો યુવકની આકરી ટીકા કરી રહ્યા છે. સાથે જ અનેક લોકો યુવકો સામે કડક કાર્યવાહીની માંગ કરી રહ્યા છે. વીડિયો વાયરલ થયા બાદ છોકરાની શોધ ચાલુ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.