આંજણા ચૌધરી સમાજની અનોખી પહેલ, ફેશનેબલ દાઢી રાખનારને 51,000નો દંડ- સાથે જ લેવાયા અનેક નિર્ણય

ગુજરાત(Gujarat): બનાસકાંઠા(Banaskantha)ના ધાનેરા(Dhanera) ખાતે 54 ગામના આંજણા ચૌધરી(Anjana Chaudhary) સમાજ દ્વારા સમાજ સુધારણા બેઠકમાં અજીબ પ્રકારના ઠરાવો પસાર કરવામાં આવ્યા છે. આ આંજણા ચૌધરી સમાજ બેઠકમાં કુલ 21 ઠરાવ કરવામાં આવ્યા છે. જેમાંથી ઘણા સમાજ સુધારણાને લઈને લેવામાં આવ્યું હોવાનું સમાજના આગેવાનો દ્વારા જણાવવામાં આવ્યું છે. જોકે અજીબ ઠરાવ એ પણ કરવામાં આવ્યો હતો કે, સમાજમાં કોઈ યુવાન જો ફેશનેબલ દાઢી રાખશે તો તે  યુવાનને 51,000 રૂપિયાનો મસમોટો દંડ ફટકારવામાં આવશે. જોકે ચૌધરી સમાજ દ્વારા કેટલાક મહત્વના ઠરાવ પણ કરવામાં આવ્યા છે.

મહત્વનું છે કે, મળતી માહિતી અનુસાર ધાનેરા ખાતે આવેલી કોલેજના કેમ્પસમાં ગઈકાલના રોજ યોજાયેલી આંજણા ચૌધરી સમાજની બેઠક મળી હતી અને આ બેઠકમાં ગામના આગેવાનો, વડીલો અને યુવાનો ઉપસ્થિત રહ્યા હતા.

આ દરમિયાન શિકારપુરા ધામના ગાદિપતિ દયારામ મહારાજે જણાવતા કહ્યું હતું કે, દાઢી રાખવી એ તો હિન્દુ ધર્મમાં સંત-મહાત્માઓનું કામ છે. પણ યુવાનો આવી દાઢી રાખે એ સમાજને ન શોભે તેથી દાઢી રાખવી ના જોઈએ. આ બેઠકમાં દાઢી રાખનારા આંજણા ચૌધરી સમાજનો કોઈ યુવાન હવેથી દાઢી રાખશે નહીં. અને જો રાખશે તો તેને 51 હજાર રૂપિયાનો મસમોટો દંડ ફટકારવામાં આવશે.