ડમ્પરે જોરદાર ટક્કર મારતા ઈનોવાનો ભુક્કો બોલી ગયો, રાષ્ટ્રીય કક્ષાએ મેડલ મેળવી ચુકેલા બે ખેલાડીઓની મરણચિંસોથી ગુંજી ઉઠ્યો હાઇવે

ગુજરાત(Gujarat): રાજ્યમાં અવારનવાર અકસ્માત(Accident)ની અનેક ઘટનાઓ સામે આવતી રહેતી હોય છે. જેને કારણે અનેક લોકો મોતને ભેટતા હોય છે. ત્યારે આવો જ એક ગમખ્વાર અકસ્માત સામે આવ્યો છે. તો વાત કરવામાં આવે તો ખેડા(Kheda) જિલ્લાના કઠલાલ-સોમપુરા હાઇવે(Kathlal-Sompura Highway) પર ગઈકાલે કાર અને ડમ્પર વચ્ચે દર્દનાક અકસ્માત સર્જાયો હતો અને હાઇવે મરણ ચિંસોથી ગુંજી ઉઠ્યો હતો.

માહિતી અનુસાર રોંગ સાઈડમાં આવી રહેલા ડમ્પરે ઇનોવા કારને જોરદાર ટક્કર મારતા કારનો ભુક્કો બોલી ગયો હતો. જ્યારે કારમાં સવાર બે લોકોના ઘટના સ્થળે જ કમકમાટી ભર્યા મોત નીપજ્યા હતા. જ્યારે અન્ય ચાર લોકોને ઘાયલ થતાં સારવાર માટે હોસ્પિટલ ખસેડવામાં આવ્યા હતા. મૃતક વ્યક્તિ રમતગમત સાથે સંકળાયેલા હોવાનું અને ગાંધીનગરના રહેવાસી હોવાની માહિતી સામે આવી છે. મૃતકો ઉજ્જૈન દર્શન કરી અમદાવાદ પાછા ફરી રહ્યા હતા ત્યારે દર્દનાક અકસ્માતનો શિકાર બન્યા હતા.