વોશરૂમ બહાર થઇ હતી પ્રેમિકા સાથે પ્રથમ મુલાકાત- જાણો કેવી છે સોશિયલ મીડિયા કિંગ માર્ક ઝકરબર્ગની અનોખી લવ સ્ટોરી

Mark Zuckerberg’s Love Story: ફેબ્રુઆરી મહિનો એટલે પ્રેમનો મહિનો. ફેબ્રુઆરી મહિનો પ્રેમનો મહિનો એટલા માટે કહેવાય છે કારણ કે, જેમાં 7 થી 14 ફેબ્રુઆરી સુધી વેલેન્ટાઈન વીક(Valentine week) મનાવવામાં આવે છે. આવી સ્થિતિમાં, પ્રેમના આ મહિનામાં અમે તમને સોશિયલ મીડિયા(Social media) એટલે કે મેટાના સીઈઓ માર્ક ઝકરબર્ગની લવ સ્ટોરી વિશે જણાવવા જઈ રહ્યા છીએ. માર્કના લવ મેરેજ પ્રિસિલા ચાન(Priscilla Chan) સાથે થયા હતા. તેની પ્રેમ કહાની અત્યંત રોચક છે.

મળતી માહિતી અનુસાર, હાલમાં, માર્ક ઝકરબર્ગની પત્ની ગર્ભવતી છે અને ટૂંક સમયમાં જ ત્રીજા બાળકને જન્મ આપવા જઈ રહી છે. ગયા વર્ષે ઝકરબર્ગે જાહેરાત કરી હતી કે તેના બાળકો મેક્સ અને ઓગસ્ટને આવતા વર્ષે નવી બહેન મળી રહી છે.

2003માં થઈ હતી પહેલી મુલાકાત:
માર્ક ઝકરબર્ગની લવ સ્ટોરી 2003માં શરૂ થઈ હતી. ત્યારે માર્ક હાર્વર્ડ યુનિવર્સિટીનો વિદ્યાર્થી હતો. આ દરમિયાન માર્કે એક પાર્ટીમાં હાજરી આપી હતી. અહીં જ માર્ક પ્રિસિલા ચાનને મળ્યો હતો. આ મીટિંગનો રસપ્રદ કિસ્સો એ છે કે માર્ક તે સમયે વોશરૂમની બહાર લાઈનમાં ઉભા હતા અને પોતાના વારાની રાહ જોઈ રહ્યા હતા. પછી તેની એક છોકરી એટલે કે પ્રિસિલા પર પડી અને તેઓએ મોકો મળતાં જ તેની સાથે વાત કરવાનું શરૂ કર્યું.

પરંતુ, આ મુલાકાત અહીં અટકી ન હતી. માર્ક ઝકરબર્ગએ રોજ પ્રાસંગિક રીતે પ્રિસિલાને મળવાનું શરૂ કર્યું અને માર્ક અને પ્રિસિલા વચ્ચે ડેટિંગની પ્રક્રિયા શરૂ થઈ. આ ક્યૂટ કપલે 9 વર્ષ પછી એટલે કે વર્ષ 2012માં લગ્ન કર્યા હતા.