જ્યાં સૌથી વધુ ભારતીયો અટવાયા છે તે શહેરમાં એકલા યુવાને રશિયાને આવતા અટકાવ્યું- પોતાને પુલ સાથે ઉડાવીને શહીદી વહોરી

રશિયા(Russia): રશિયન સેનાના હુમલા વચ્ચે યુક્રેનિયન સૈનિક(Ukrainian soldier)ની બહાદુરી હાલમાં ટોક ઓફ ધી ટાઉન બની છે. રશિયન ટેન્કોને રોકવા માટે આ જાંબાજ સૈનિકે દાખવેલી હિંમતને દરેક જણ બિરદાવી રહ્યા છે. આ સૈનિકે રશિયન ટેન્કો(Russian tanks)ને રોકવા માટે પુલ સહિત પોતાની જાતને ઉડાવી દીધી હતી. જણાવી દઈએ કે, યુદ્ધમાં પોતાનો જીવ આપનાર યુક્રેનિયન સૈનિકનું નામ વિટાલી શાકુન(Vitaly Shakun) છે. યુક્રેનિયન આર્મી(Army)એ વિટાલીને હીરો ગણાવતા તેની સ્ટોરી સોશિયલ મીડિયા(Social media) પર શેર કરી છે.

યુક્રેન પર રશિયન સૈન્યના આક્રમણના જવાબમાં યુક્રેનની સૈન્ય અને સામાન્ય જનતા વિરોધ કરી રહી છે. તે જ સમયે, સમાચાર આવ્યા કે, રશિયન સૈન્ય ક્રિમીયા નજીક ખેરસન વિસ્તારમાં બનેલા પુલને પાર કરીને ખૂબ જ ઝડપથી આગળ વધી રહ્યું છે. આવી સ્થિતિમાં યુક્રેનની સેના તેમને રોકવા માટે સતર્ક હતી.

એક અહેવાલ અનુસાર, ખેરસન ક્ષેત્રમાં તૈનાત યુક્રેનિયન સૈનિક વિટાલી શકુએ આગેવાની લીધી અને રશિયન સેનાને આગળ વધતી અટકાવવા માટે પુલને ઉડાવી દેવા માટે પોતાની જાતને પણ ઉડાવી દીધી. જેથી રશિયન સૈનિકો શહેરમાં પ્રવેશી શકે નહી. એવું કહેવાય છે કે, સૈનિક વિટાલી દ્વારા તોડી પાડવામાં આવેલ પુલ રશિયાના કબજા હેઠળના ક્રિમિયાને યુક્રેન સાથે જોડે છે. વિટાલી પુલનું સંચાલન કરી રહ્યો હતો.