November 04, 2024
Axar Patel Marriage: ટીમ ઈન્ડિયાનો સ્ટાર ઓલરાઉન્ડર અક્ષર પટેલ પણ લગ્નના બંધનમાં બંધાઈ ગયો છે. તેણે તેની મંગેતર મેહા પટેલ સાથે સાત ફેરા લીધા. બંનેની સગાઈ ગયા વર્ષે થઈ હતી. અક્ષર અને મેહા પટેલે ગુરુવારે (26 જાન્યુઆરી) વડોદરામાં લગ્ન કર્યા હતા. તેના ઘણા વિડીયો અને ફોટો પણ સોશિયલ મીડિયા પર ખુબ જ વાયરલ થઈ રહ્યા છે.
આ લગ્ન સમારોહમાં જયદેવ ઉનડકટ સહિત ઘણા ક્રિકેટરો પણ પહોંચ્યા હતા. જો કે ન્યૂઝીલેન્ડ સામેની સીરિઝને કારણે વિરાટ કોહલી, રોહિત શર્મા જેવા સ્ટાર ભારતીય ખેલાડીઓ લગ્નમાં પહોંચી શક્યા નથી. અક્ષરની જાનનો વિડીયો પણ સામે આવ્યો છે. વરરાજા બનેલા અક્ષરે કારમાં જાન કાઢી હતી અને પરિવારના સભ્યો તેની સાથે બેઠેલા જોવા મળ્યા હતા.
Trending News
અક્ષર પટેલ અને મેહા (28) લાંબા સમયથી એકબીજાને ડેટ કરી રહ્યાં હતાં. મેહા અને અક્ષરની સગાઈ ગયા વર્ષે જ થઈ હતી. હવે બંને લગ્નના બંધનમાં બંધાઈ ગયા છે. અક્ષર પટેલે વિન્ટેજ કારમાં તેના લગ્નની જાન કાઢી હતી. લગ્ન પછીના ઘણા ફોટા પણ વાયરલ થયા છે, જેમાં અક્ષર અને મેહા ફોટોશૂટ કરતા જોવા મળે છે.
અક્ષર અને મેહાના ડાન્સ વિડીયો પણ સોશિયલ મીડિયા પર વાયરલ થઈ રહ્યા છે. જેમાં આ બંને કપલ મ્યુઝિક ફેસ્ટિવલમાં ડાન્સ કરતા જોવા મળે છે. તે જ સમયે, વરમાળા અને સાત ફેરોનો વિડીયો પણ વાયરલ થઈ રહ્યો છે. ખુદ મેહા પટેલે પણ ટ્વિટર પર ઘણા ફોટા અને વિડીયો શેર કર્યા છે.
કોણ છે અક્ષર પટેલની પત્ની મેહા?
મેહા પટેલ વ્યવસાયે ડાયટિશિયન અને ન્યુટ્રિશનિસ્ટ છે. તે સોશિયલ મીડિયા પર ડાયટ પ્લાન પણ શેર કરે છે. અક્ષર પટેલ અને મેહા પણ ઘણી વખત સાથે રજાઓ ગાળતા જોવા મળ્યા છે. તાજેતરમાં બંને અમેરિકા પણ ગયા હતા. મેહાએ અક્ષર પટેલ માટે તેના એક હાથ પર અક્ષ નામનું ટેટૂ બનાવ્યું છે. મેહા પટેલને રીલ્સ બનાવવાનો પણ ઘણો શોખ છે. તે ઈન્સ્ટાગ્રામ પર સતત રીલ્સ શેર કરતી રહે છે. મેહાના 27 હજાર ફોલોઅર્સ છે.
અક્ષરે ન્યૂઝીલેન્ડ સિરીઝમાંથી બ્રેક લીધો હતો
અક્ષર પટેલે આ વર્ષની શરૂઆતમાં શ્રીલંકા સામે T20 અને ODI શ્રેણી રમી હતી, જેમાં તેનું પ્રદર્શન શાનદાર રહ્યું હતું. જોકે ભારતીય ટીમે હાલમાં જ ન્યુઝીલેન્ડ સામેની ત્રણ મેચની વનડે શ્રેણીમાં ક્લીન સ્વીપ કરીને જીત મેળવી હતી. હવે ભારતીય ટીમ અને ન્યુઝીલેન્ડ વચ્ચે ત્રણ મેચની T20 સીરીઝ રમાશે. અક્ષરે લગ્ન માટે આ બંને સિરીઝમાંથી બ્રેક લીધો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.