November 20, 2024
મેક્સિકો(Mexico)ના સિનાલોઆ(Sinaloa)માં શનિવારે એટલે કે આજે સવારે એક મોટી દુર્ઘટના(Big accident) ઘટી હતી. બ્લેક હોક, મેક્સિકન લશ્કરી હેલિકોપ્ટર ક્રેશ(Helicopter crash) થયું હતું. આ સૈન્ય હેલિકોપ્ટરમાં 15 લોકો સવાર હતા, જેમાંથી 14 લોકોના મોત(14 people died) થયા હોવાના અહેવાલ છે. તે જ સમયે, આ અકસ્માતમાં 1 વ્યક્તિ ઘાયલ હોવાનું કહેવાય છે. જોકે, અકસ્માતનું કારણ હજુ સુધી જાણી શકાયું નથી. બચાવકર્મીઓએ ઘાયલોને તાત્કાલિક નજીકની હોસ્પિટલમાં ખસેડ્યા હતા જ્યાં તેમની સારવાર ચાલી રહી છે.
મીડિયાની જાણકારી અનુસાર, મેક્સિકન નેવીનું હેલિકોપ્ટર બ્લેક હોક સિનાલોઆના લોસ મોચીસમાં ક્રેશ થયું હતું. સ્થાનિક મીડિયાએ નૌકાદળના હવાલાથી જણાવ્યું કે અકસ્માતના કારણની તપાસ કરવામાં આવી રહી છે.
સ્થાનિક મીડિયા અનુસાર, આ ઘટના મેક્સિકન ડ્રગ લોર્ડ રાફેલ કેરો ક્વિંટેરોની ધરપકડ બાદ બની હતી. રાફેલ કેરો ક્વિન્ટેરો એફબીઆઈના 10 મોસ્ટ વોન્ટેડ ગુનેગારોમાંનો એક છે. જોકે, નેવીએ પુષ્ટિ કરી નથી કે હેલિકોપ્ટર ક્રેશ અને ક્વિંટેરોની ધરપકડ વચ્ચે કોઈ સંબંધ છે. નેવી અધિકારીઓએ અકસ્માતની તપાસના આદેશ આપ્યા છે.
Trending News
ગયા મહિને પણ ઈટાલીમાં થયો હતો આવો અકસ્માત:
તે જ સમયે, ગયા મહિને ઇટાલીમાં એક વિમાન દુર્ઘટના થઈ હતી, જેમાં વિમાનમાં સવાર તમામ 7 લોકો માર્યા ગયા હતા. હેલિકોપ્ટરે ઈટાલીના લુકા શહેરથી ટ્રેવિસો શહેર માટે ઉડાન ભરી હતી. પરંતુ મોડેના વિસ્તાર પાસે તેનો રડાર સાથેનો સંપર્ક તૂટી ગયો હતો. ત્યારથી તેને શોધવાની ઝુંબેશ ચાલી રહી હતી. આ દરમિયાન એક ક્લાઇમ્બરની મદદથી હેલિકોપ્ટરનો કાટમાળ શોધી કાઢવામાં આવ્યો છે. તેમાં સવાર તમામ 7 લોકોના મૃતદેહ પણ મળી આવ્યા છે.
એવું કહેવામાં આવ્યું હતું કે હેલિકોપ્ટર લુક્કા શહેરથી ટેકઓફ કર્યા પછી જ ખરાબ હવામાનને કારણે ગુમ થઈ ગયું હતું. તેનો એર ટ્રાફિક કંટ્રોલ ટાવર સાથેનો સંપર્ક પણ તૂટી ગયો હતો. ત્યારથી તેને શોધવાના પ્રયાસો ચાલુ હતા. મોડેના શહેરના અધિકારીઓએ જણાવ્યું હતું કે રેસ્ક્યૂ ટીમો દુર્ઘટના સ્થળ પર પહોંચી હતી જેને એક ક્લાઇમ્બર દ્વારા કહેવામાં આવ્યું હતું કે તેમને હેલિકોપ્ટરનો કાટમાળ મળ્યો છે. રેસ્ક્યુ ટીમે અગાઉ અહીંથી પાંચ મૃતદેહો બહાર કાઢ્યા હતા. આ પછી વધુ બે મૃતદેહ મળી આવ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.