BIG NEWS: માતમમાં ફેરવાયો લગ્ન પ્રસંગ- દુલ્હા દુલ્હન સહિત 100 લોકો જીવતા ભડથું થયા, 150થી વધુ ઘાયલ

Iraq Fire Accident: ઇરાકના નિનેવેહ પ્રાંતના અલ-હમદાનિયા જિલ્લામાં મંગળવારે (26 સપ્ટેમ્બર) એક લગ્નમાં આગ લાગવાથી ઓછામાં ઓછા 100 લોકો માર્યા ગયા અને 150 જેટલા ઘાયલ થયા. નેવેહ પ્રાંત મોસુલની બહાર, રાજધાની બગદાદના ઉત્તરપશ્ચિમમાં લગભગ 335 કિલોમીટર દૂર સ્થિત છે. ઈરાકી ન્યૂઝ એજન્સી નીનાના રિપોર્ટ અનુસાર, આગમાં દાઝી(Iraq Fire Accident) જવાથી મૃત્યુ પામનારાઓમાં વરરાજા અને દુલ્હન પણ સામેલ હોવાનું કહેવાય છે.

જો કે, આગ લાગવાનું કારણ શું હતું તે હજુ સ્પષ્ટ થયું નથી, પરંતુ પ્રાથમિક અહેવાલમાં જણાવવામાં આવ્યું છે કે ફટાકડા સળગવાને કારણે આગ લાગી હતી. ઈરાકી ન્યૂઝ એજન્સી નીના દ્વારા પોસ્ટ કરવામાં આવેલી તસવીરમાં અગ્નિશમન દળના જવાનો આગ ઓલવવાનું કામ કરી રહ્યા છે. આ સિવાય સોશિયલ મીડિયા પર સ્થાનિક પત્રકારોની તસવીરોમાં ઈવેન્ટ હોલના બળેલા અવશેષો દેખાઈ રહ્યા છે.

લગ્નની ઉજવણી માતમમાં ફેરવાઈ ગઈ
ઈરાકની ન્યૂઝ એજન્સી નીનાના અહેવાલને ટાંકીને ઈરાકના નાગરિક સંરક્ષણ નિર્દેશાલયે જણાવ્યું કે આગ બિલ્ડિંગમાં હાજર જ્વલનશીલ સામગ્રીની મદદથી લાગી હતી. ઇરાક સિવિલ ડિફેન્સ ડિરેક્ટોરેટના એક અધિકારીએ જણાવ્યું હતું કે અત્યંત જ્વલનશીલ, ઓછી કિંમતની બાંધકામ સામગ્રીને લગતી આગને કારણે હોલના કેટલાક ભાગો થોડી મિનિટોમાં તૂટી પડ્યા હતા. સમાચાર એજન્સી રોઇટર્સના સંવાદદાતા દ્વારા ઘટનાસ્થળ પર ફિલ્માવવામાં આવેલા વિડિયોમાં, અગ્નિશામકો બચી ગયેલા લોકોની શોધમાં ઇમારતના કાટમાળ પર ચડતા જોવા મળ્યા હતા.